2016-03-23 19:05:33, 339 ნახვა
პოლიტიკა
საქართველოს საგარეო საქმეთა მინისტრი ოფიციალური ვიზიტით სომხეთის რესპუბლიკას ეწვევა
საქართველოს საგარეო საქმეთა მინისტრი, მიხეილ ჯანელიძე 24-25 მარტს ოფიციალური ვიზიტით სომხეთის რესპუბლიკაში გაემგზავრება.
საგარეო უწყების ხელმძღვანელის ვიზიტის ფარგლებში დაგეგმილია შეხვედრები სომხეთის პრეზიდენტთან სერჟ სარქისიანთან, სომხეთის პრემიერ-მინისტრთან ჰოვიკ აბრაჰამიანთან და სომხეთის საგარეო საქმეთა მინისტრთან ედვარდ ნალბანდიანთან.
სომხეთის საგარეო უწყების ხელმძღვანელთან შეხვედრის შემდეგ იგეგმება ორი ქვეყნის საგარეო საქმეთა მინისტრების ერთობლივი პრეს-კონფერენცია. ვიზიტის ფარგლებში განხილული იქნება საქართველოსა და სომხეთს შორის ორმხრივი თანამშრომლობის აქტუალური საკითხები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
