აქტივისტი თათია აფრიამაშვილი, რომელიც 2 სექტემბერს რუსთაველზე დააკავეს, 5 000 ლარით დააჯარიმეს.

გადაწყვეტილება მოსამართლე ლელა ცაგარეიშვილმა გამოაცხადა. 

აქტივისტს გელაძის უწყება წვრილმან ხულიგნობასა და პოლიციელის მოთხოვნის დაუმორჩილებლობას ედავებოდა.

მოწმე პოლიციელმა პროცესზე განაცხადა, რომ აფრიამაშვილი არ დაემორჩილა გზის სავალი ნაწილის გათავისუფლების მოთხოვნას, ხელს უშლიდა პოლიციას აქციის სხვა მონაწილის დაკავებაში და „იგინებოდა და ილანძღებოდა უმისამართოდ, მათ შორის, ხელისუფლების მისამართით.“ 

ამასთან საქალაქო სასამართლოში, სადაც სამოქალაქო აქტივისტებს ასამართლებენ, ერთ-ერთი მათგანი, ლაშა დგებუაძე ჩალაგებული ნივთებით მივიდა და ამბობს, რომ “ყველა სცენარისთვის, მათ შორის პატიმრობისთვისაც, მზადაა.“

სამოქალაქო აქტივისტი ვარაუდობს, რომ მას 10-იდან 20 დღემდე პატიმრობას მიუსჯიან.

90 პროცენტი ვფიქრობ, რომ დამიჭერენ, 10-იდან 20 დღემდე ვვარაუდობ, ბარგით მოვედი, ყველანაირად მზად ვარ პატიმრობისთვის. რუსთაველის თეატრის წინ, მე პირადად იმიტომ დამიჭირეს, რომ იმ დროს ჩემს მეგობარს იჭერდნენ და რომ ვცდილობდი გამომეტაცა მათგან, გამაყოლეს მეც. რეალურად, ამდენი ხალხი იმიტომ გაგვიტაცეს, რომ ერთმანეთის დახსნას ვცდილობდით, - ამბობს დგებუაძე.

ტვ პირველის ფოტოკადრი

ავტორი: ექსპრესნიუსი,

სოციალური ქსელები

სომხეთში მიმდინარე საპარლამენტო არჩევნებში ყოველთა სომეხთა კათოლიკოსმა ხმა მისცა

შინაგან საქმეთა სამინისტრო: გორში მომხდარ ცემაში მონაწილე პოლიციელები საქართველოდან არ წასულან.

გავრილოვის ღამის წლისთავთან დაკავშირებით, თბილისში საპროტესტო მსვლელობა გაიმართება

კანადის მოქალაქეს ყურადღების დეფიციტისა და ჰიპერაქტიურობის სამკურნალო პრეპარატის მიღების გამო 20 წლამდე თავისუფლების აღკვეთა ემუქრება