საქართველოს ოკუპირებული ტერიტორიებიდან იძულებით  გადაადგილებულ პირთა, განსახლებისა და ლტოლვილთა მინისტრი სოზარ სუბარი  საფრანგეთის ელჩს საქართველოში პასკალ მენიეს შეხვდა.

როგორც“ექსპრესნიუსს“ ლტოლვილთა და განსახლების სამინისტროდან აცნობეს, გაცნობითი ხასიათის შეხვედრაზე  სოზარ სუბარმა  საფრანგეთის ელჩს დევნილთა გრძელვადიანი განსახლების მიმართულებით სამინისტროში მიმდინარე პროექტები გააცნო.

მათივე ინფორმაციით, მინისტრმა ასევე  თავშესაფრის საკითხებსა და ამ კუთხით განხორციელებული ცვლილების შესახებ ისაუბრა.        

საფრანგეთის ელჩმა მინისტრთან შეხვედრისას განაცხადა, რომ საფრანგეთი სრულ მხარდაჭერას უცხადებს  საქართველოს ტერიტორიულ მთლიანობას.  

პასკალ მენიემ იძულებით გადაადგილებულ პირთა ჩასახლებების მონახულებისა და დევნილთა საცხოვრებელი პირობების ადგილზე გაცნობის სურვილიც  გამოთქვა.

საფრანგეთის ელჩი შიდა ქართლის რეგიონში არსებულ დევნილთა ჩასახლებებს მომდევნო კვირაში ესტუმრება.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბათუმში ძალადობის და ნარკოდანაშაულის ბრალდებით უცხო ქვეყნის მოქალაქე დააკავეს

ჩერნობილის 40 წელი - კატასტროფა, რომლის დამალვაც სცადეს

უკრაინული დრონები თავს დაესხნენ ობიექტებს რუსეთის ფედერაციის იაროსლავისა და ვოლოგდას რეგიონებში

ტრამპის მიღებაზე სროლა ამძაფრებს სიტუაციას საიდუმლო სამსახურის არასაკმარისი დაფინანსების გამო