„ყირიმი ობამას დროს წაიღეს, ხოლო საქართველოს უმეტესი ნაწილი ბუშის დროს წაიღეს“, - განაცხადა აშშ-ის პრეზიდენტმა დონალდ ტრამპმა „მარკ ლევინის შოუს“ ეთერში.

„ობამამ ყირიმი გასცა და ამაზე არავინ საუბრობს. მე რომ მეთქვა, ჩემი სახელი მომდევნო 20 წლის განმავლობაში ყველა გაზეთის პირველ გვერდებზე იქნებოდა. ამბობენ, რომ დონალდ ტრამპი პუტინთან მეგობრობს. მე მას ყირიმი არ მივეცი. ყირიმი უზარმაზარია. ვიტყოდი, რომ ტეხასის ზომისაა. ის ლამაზია და ობამას გამო დათმეს“, - თქვა დონალდ ტრამპმა.

აშშ-ის პრეზიდენტმა ხაზგასმით აღნიშნა, რომ მისი პირველი საპრეზიდენტო ვადის განმავლობაში რუსეთმა „არაფერი წაართვა“.

„მათ ყირიმი ობამას დროს წაიღეს, ხოლო საქართველოს უმეტესი ნაწილი ბუშის დროს. მაგრამ ჩემს დროს არაფერი წაუღიათ. ვფიქრობ, რომ [რუსეთ-უკრაინის ომმა] მესამე მსოფლიო ომამდე მიგვიყვანა. ეს აღარ განმეორდება. ნუ ღელავთ ამაზე. ვნახოთ, რა მოხდება და როგორ მოგვარდება ეს“, - აღნიშნა აშშ-ის პრეზიდენტმა.

ავტორი: ექსპრესნიუსი,

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა