2025-06-23 21:29:07, 981 ნახვა
პოლიტიკა
მარტა კოსი - ვაგრძელებთ ქართველი ხალხის გვერდით დგომას და ვაძლიერებთ ჩვენს მხარდაჭერას
საგარეო საქმეთა საბჭოზე საქართველოში დემოკრატიული საფუძვლების უწყვეტი ეროზიის გამო სერიოზული შეშფოთება გამოვხატე, - ამის შესახებ ევროკომისარი გაფართოების საკითხებში, მარტა კოსი X-ზე წერს.
„დღევანდელ საგარეო საქმეთა საბჭოზე საქართველოში დემოკრატიული საფუძვლების უწყვეტი ეროზიის გამო სერიოზული შეშფოთება გამოვხატე. ჩვენ, ევროკავშირი, ვაგრძელებთ ქართველი ხალხის გვერდით დგომას და ვაძლიერებთ ჩვენს მხარდაჭერას ქართული სამოქალაქო საზოგადოებისა და დამოუკიდებელი მედიის მიმართ“, - წერს მარტა კოსი.
სოციალურ ქსელში მარტა კოსის პოსტს საქართველოს მეხუთე პრეზიდენტი, სალომე ზურაბიშვილი გამოეხმაურა.
„სად არის გვერდით დგომა და მხარდაჭერის გაძლიერება?“, - დაწერა სალომე ზურაბიშვილმა.
ავტორი: ექსპრესნიუსი,
epn.ge (@expressnews.ge)
