ისმის კითხვა, რატომაა ეს დამოკიდებულება, რომ ქართველებს შეუჩერონ უვიზო მიმოსვლა?! - ჩვენ კი ვიცით, ამის მიზეზი რა არის, თუმცა არაერთხელ გავაკეთეთ განმარტება, რომ საქართველოს ინტერესები არ და ვერ დაითმობა! ჩვენ არავის ვებრძვით, ვიცავთ საკუთარ ქვეყანას და ხალხს, - ამის შესახებ „ქართული ოცნების“ გენერალურმა მდივანმა, თბილისის მერმა, კახა კალაძემ განაცხადა, რითაც საქართველოსთან უვიზო მიმოსვლის შეჩერებასთან დაკავშირებით პოლონეთის პრემიერ-მინისტრის, დონალდ ტუსკის განცხადებას გამოეხმაურა.

როგორც კალაძე აღნიშნავს, ევროპელი ბიუროკრატების მიერ გაკეთებული განცხადებები, „რომელიც დაფუძნებულია ტყუილზე, კატეგორიულად მიუღებელია“.

„რას აკეთებს საქართველო, ზოგადად, რატომაა ეს დამოკიდებულება, რომ ქართველებს შეუჩერონ უვიზო მიმოსვლა? ისმის კითხვა, რატომ?! რა არის ამის მიზეზი?! ჩვენ კი ვიცით, ამის მიზეზი რა არის, თუმცა არაერთხელ გავაკეთეთ განმარტება, რომ საქართველოს ინტერესები არ და ვერ დაითმობა. საქართველოს ხელისუფლება ყოველთვის გაატარებს პირველ რიგში, ქართველი ხალხის ინტერესებს, ქვეყანაში უსაფრთხოებას, მშვიდობას, სიმშვიდეს და მოახდენს ქვეყნის ეკონომიკურ განვითარებას. ქვეყნის ინტერესების დათმობა არ მოხდება! ეს უნდა გაიგოს ყველამ როგორც ქვეყნის შიგნით, ასევე ქვეყნის გარეთ. საქართველო არის დამოუკიდებელი, სუვერენული სახელმწიფო და არავის აქვს უფლება, რომ მითითებები მისცეს ხელისუფლებას. ჩვენ ვიღებთ ისეთ გადაწყვეტილებებს, რომელიც პირველ რიგში, სჭირდება ჩვენს ქვეყანას, ქვეყნის განვითარებას.

საქართველოს ხელისუფლება მზად არის მეგობრობისთვის, პარტნიორობისთვის, მაგრამ ეს უნდა იყოს ორმხრივი. კიდევ ერთხელ ვიმეორებ, საქართველო არ არის ვიღაცის უკანა ეზო. საქართველო არის დამოუკიდებელი, სუვერენული სახელმწიფო“, - განაცხადა კალაძემ.

ცნობისთვის, პოლონეთის პრემიერ-მინისტრმა, დონალდ ტუსკმა ქვეყნის პარლამენტში არალეგალურ მიგრაციაზე ისაუბრა და ამ კონტექსტში საქართველო ახსენა. კერძოდ, ტუსკის თქმით, მზად არის, არსებული მეთოდები გამოიყენოს, საერთაშორისო სამართლის შესაცვლელად, რათა არალეგალური მიგრაციის რისკი, მინიმუმამდე შემცირდეს.

პოლონეთის პრემიერის თქმით, საჭირო უმრავლესობას ქმნის, რათა შეზღუდოს ან შეაჩეროს უვიზო მიმოსვლა, მათ შორის საქართველოსთან. ამასთან, ტუსკმა ხაზი გაუსვა, რომ საკითხი მხოლოდ საქართველოს არ ეხება, არამედ იმ ქვეყნებსაც, საიდანაც მიგრაცია პირდაპირ საფრთხეს უქმნის სამართლებრივ ან საზოგადოებრივ წესრიგს პოლონეთში ან ევროპაში.

ავტორი: ექსპრესნიუსი,

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს