თბილისის საქალაქო სასამართლოში სტრატეგია აღმაშენებლის ლიდერის, გიორგი ვაშაძის საქმის არსებითი განხილვა იყო, რომელიც წულუკიანის კომისიაზე გამოუცხადებლობას ეხებოდა.

საქმეზე მომდევნო სხდომა 16 ივნისს, 10:00 საათზე ჩაინიშნა. მოსამართლემ მხარეებს უთხრა, რომ ამ დღეს დასკვნითი სიტყვებისთვისაც მოემზადონ.

დღევანდელ პროცესზე ბრალდების მხარემ შესავალი სიტყვა წარმოთქვა - ვაშაძის ადვოკატმა, ბექა ბასილაიამ კი შესავალი სიტყვა დაიწყო, თუმცა, ის შეწყვიტა და პროტესტის ნიშნად სხდომა დატოვა.

პროტესტის მიზეზი სასამართლოს დერეფანში განვითარებული მოვლენები და ხმაური იყო. მანდატურის სამსახურის წარმომადგენლები სხდომიდან გასულ TV პირველის ჟურნალისტს, ნანუკა ქაჯაიას უკან შესვლის უფლებას არ აძლევდნენ, მას მანდატური ფიზიკურადაც შეეხო, რასაც ხმაური მოჰყვა. ბასილაიამ მოსამართლეს უთხრა, რომ ამ პირობებში, ის შესავალი სიტყვის ბოლომდე წარმოთქმაზე უარს ამბობდა.

გარდა ამისა, ვაშაძის პროცესის პარალელურად, რეჟიმის პატიმრის, საბა სხვიტარიძის სხდომაც მიმდინარეობდა, რის გამოც სასამართლოს დერეფანში ხმაური იყო. ამ მიზეზით, ვაშაძის სხდომა რამდენჯერმე შეწყდა. 

სხდომის შემდეგ, კომენტარი თავად გიორგი ვაშაძემაც გააკეთა.

"ჩვენი და მოსამართლის თვალწინ, ჟურნალისტ ნანუკა ქაჯაიაზე იძალადეს და ამაზე მოსამართლეს არანაირი რეაგირება არ ჰქონია. ამ პირობებში, სხდომის გაგრძელება როგორ შეიძლებოდა და მისი გადადება მოვითხოვეთ, რაზეც მოსამართლემ უარი თქვა და ამიტომ, ჩემმა ადვოკატმა პროცესი დატოვა და მეც ამის გაკეთება მომიწია. 

ამის შემდეგ, საერთოდ სასწაული მოვისმინეთ - თურმე, 16 ივნისს უნდა მოვიდეთ და მთელი პროცესი, დასკვნითი სიტყვების ჩათვლით, ერთ დღეში უნდა მორჩეს". - თქვა ვაშაძემ. 

წულუკიანის კომისიაზე არ მისვლის საქმეზე, ერთიანობა - ნაციონალური მოძრაობის ერთ-ერთ ლიდერს, გიორგი ვაშაძეს აღკვეთის ღონისძიების სახით 50 000-ლარიანი გირაო შეუფარდეს. ვაშაძემ თანხის გადახდის ნაცვლად, მის საკუთრებაში არსებული უძრავი ქონება ჩადო.

ქართული ოცნების "საგამოძიებო კომისიამ" გიორგი ვაშაძე 11 აპრილის სხდომაზე დაიბარა. ვაშაძემ კომისიაზე მისვლაზე უარი თქვა.  

ავტორი: ექსპრესნიუსი,

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა