2016-03-17 14:08:05, 360 ნახვა
პოლიტიკა
მარგველაშვილი: ჩემს საზოგადოებას არავის დავატერორებინებ
ჩემს საზოგადოებას არავის დავატერორებინებ, - ამის შესახებ საქართველოს პრეზიდენტმა გიორგი მარგველაშვილმა განაცხადა.
როგორც პრეზიდენტმა აღნიშნა, პირადი ცხოვრების ფარული ჩანაწერების ინტერნეტში გამოქვეყნება მოსახლეობაზე თავდასხმაა.
"ჩვენ აქტიურად ვადევნებთ თვალს გამოძიებას. ვურთიერთობთ სამართალდამცავ ორგანოებთან. მინდა მოგახსენოთ, რომ ამ თავდასხმას ქართულ სახელმწიფოზე აღვიქვამ უაღრესად სერიოზულად. ეს არ არის მხოლოდ კერძო პირების მიმართ ჩადენილი დანაშაული, ეს არის თავდასხმა ქართულ სახელმწიფოსა და საზოგადოებაზე. ჩემს საზოგადოებას არავის დავატერორებინებ“, - განაცხადა გიორგი მარგველაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
