ჩვენ გავაგრძელებთ საქართველოს დემოკრატიული განვითარებისა და საზოგადოების მხარდაჭერას. ეს პროცესი გაგრძელდება. ჩვენ გავაგრძელებთ ქართველი ხალხისა და ქართული სამოქალაქო საზოგადოების ძლიერ მხარდაჭერას, - ამის შესახებ შვედეთის ელჩმა საქართველოში, ანა ლიბერგმა განაცხადა.

ელჩის თქმით, შვედეთი მხარს უჭერს საქართველოს ევროპულ მისწრაფებებს. მისი თქმით, შვედეთს ევროპული ბლოკის წევრობამ მეტი განვითარება და სტაბილურობა მოუტანა.

„ჩვენ ძალიან გვიხარია, რომ წელს შვედეთი ასევე აღნიშნავს ევროკავშირში გაწევრიანების 30 წელს. ევროკავშირის წევრობამ შვედეთი გააძლიერა, ჩვენი ეკონომიკა გაიზარდა. ჩვენ ბევრი სარგებელი მივიღეთ ერთიანი ბაზრიდან და ადამიანების, საქონლისა და კაპიტალის თავისუფალი გადაადგილებიდან.

ასე რომ, შვედეთისთვის ეს ნათელი და პოზიტიური განვითარებაა. ჩვენ ასევე ვხედავთ, რომ ევროკავშირში, საერთო გამოწვევებს საერთო პასუხები სჭირდება. ჩვენ ერთად ნამდვილად ძლიერები ვართ“, - განაცხადა ანა ლინდბერგმა.

რაც შეეხება ქართველი მაღალჩინოსნებისთვის დიპლომატიური პასპორტების გაუქმების საკითხს, ელჩის თქმით, საქართველოსთან დაკავშირებით მიღებულ გადაწყვეტილებებზე შვედეთი ოფიციალური ბრიუსელის პოზიციას იზიარებს და გაერთიანების სხვა ქვეყნების მსგავსად დიპლომატიური პასპორტების გაუქმების ოფიციალური სტოკჰოლმიც გეგმავს.

„შვედეთი საქართველოს დიდი ხნის პარტნიორია და როგორც დიდი ხნის პარტნიორი, ჩვენც შეშფოთებულები ვართ საქართველოში განვითარებული მოვლენებით, რომლებიც, სამწუხაროდ, არ შეესაბამება გაერთიანების ღირებულებებსა და პრინციპებს. ჩვენ ბრიუსელის აქტიური პარტნიორები ვართ საქართველოსთან დაკავშირებით. ეს არის ევროკავშირის მიერ მიღებული გადაწყვეტილება დიპლომატიური და სამსახურებრივი პასპორტების მფლობელებისთვის ვიზებთან დაკავშირებით და ეს არის გადაწყვეტილება, რომლის განხორციელებასაც ჩვენც ვაპირებთ.

ვინაიდან ჩვენ ვიცავთ შიდა პროცედურებს, ამ პროცესის წინსვლისთვის, ჩემთვის შეუძლებელია კონკრეტული თარიღის თქმა. ეს არის შიდა პროცედურები, რომლებიც უნდა დასრულდეს, სანამ ეს გადაწყვეტილება ძალაში შევა. ევროკავშირის კარი საქართველოსთვის კვლავ ღიაა", - განაცხადა მან.

ავტორი: ექსპრესნიუსი,

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა