კულტურის სფეროს წარმომადგენლები, ხვალ 9 მაისს დაგეგმილ აქცია-მსვლელობას შეუერთდებიან.

როგორც მათ დღევანდელ ბრიფინგზე განაცხადეს, ხვალინდელ აქციაში მონაწილეობით ისინი კიდევ ერთხელ დააფიქსირებენ თავიანთ ურყევ პოზიციას, რომ საქართველოს მომავალი ევროპაშია და „კულტურა ირჩევს ევროპას“.

რეჟისორ ბესო სოლომონაშვილის განმარტებით, ხვალ კულტურის სფეროს წარმომადგენლები სხვადასხვა ადგილას შეიკრიბებიან.

„ხვალ ევროპის, ცივილიზებული სამყაროს დღეა. ეს ძალიან მნიშვნელოვანი საქართველოში კულტურის მოღვაწეებისთვის, რადგან დღეს საქართველოში ძალადობა ხდება თავისუფალ აზრზე, კულტურაზე, იქნება ეს თეატრი, ლიტერატურა თუ კინო. ხვალ კულტურის სფეროს წარმომადგენლები სხვადასხვა ადგილას იკრიბებიან. მაგალითად, მწერლები ჭავჭავაძის სახლ-მუზეუმთან და მერე უერთდებიან მარჯანიშვილზე სხვებს. ერთად ვუერთდებით დიდ მარშს, რათა ევროპის დღე ერთად აღვნიშნოთ“,- განაცხადა სოლომონაშვილმა.

ცნობისთვის, 9 მაისს, თბილისში, ევროპის მოედანზე აქცია იგეგმება.

ავტორი: ექსპრესნიუსი,

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა