სისხლის წნევის რეგულარული კონტროლი აუცილებელია ჯანმრთელობის შენარჩუნებისთვის. თუმცა, თუ წნევის აპარატს არასწორად ვიყენებთ, მიღებული შედეგები შეიძლება არასწორი იყოს.

ამ სტატიაში განვიხილავთ, როგორ უნდა მოვემზადოთ წნევის გაზომვისთვის, რა შეცდომები უნდა ავიცილოთ და როგორ მოვუაროთ წნევის აპარატს, რათა მან ხანგრძლივად იმუშაოს.

როგორ უნდა მოემზადო წნევის გაზომვისთვის

1. წნევის გაზომვამდე, მინიმუმ, 5-10 წუთით დაჯექი და მოდუნდი. სტრესი, ფიზიკური აქტივობა ან კოფეინის მიღება გაზომვის შედეგებზე მოქმედებს.

2. წნევის გაზომვამდე მინიმუმ 30 წუთით ადრე ნუ მიიღებ საკვებს და ნუ მოწევ სიგარეტს, რადგან ეს ფაქტორები გავლენას ახდენს სისხლის წნევაზე.

3. დაჯექი კომფორტულად, მიეყრდენი საზურგეზე და არ გადააჯვარედინო ფეხები. აუცილებელია, რომ ორივე ფეხი იატაკზე გედგას.

ხელი, რომელზეც იზომავ წნევას, მოათავსე მაგიდაზე, გულის დონეზე.

4. წნევის საზომი აპარატის მანჟეტი უნდა იყოს შენი მკლავის ზომის შესაბამისი, მოთავსებული მაჯიდან 2-3 სმ-ით ზემოთ.

გახსოვდეს, ზედმეტად მჭიდრო ან თავისუფლად მოხვეული მანჟეტი არასწორ შედეგებს იძლევა.

გავრცელებული შეცდომები, რომლებიც წნევის ზუსტ შედეგს აფერხებს

• წნევის გაზომვა არ უნდა მოხდეს სტრესის, ვარჯიშის ან საკვების მიღების შემდეგ. ყოველთვის აირჩიე მშვიდი დრო.
• თუ წნევის გაზომვისას ფეხები გადაჯვარედინებული გაქვს ან მკლავი არ არის გულის დონეზე, შედეგი შეიძლება მცდარი იყოს.
• გაზომვისას ეცადეთ, არ ილაპარაკო და არ იმოძრაო, რათა შედეგი მაქსიმალურად ზუსტი იყოს.
• ერთდროულად რამდენიმე გაზომვა შეიძლება არასწორი შედეგის მიზეზი გახდეს. სასურველია, გაზომვებს შორის, მინიმუმ, 1-2 წუთი შეისვენო.

როგორ მოვუაროთ წნევის აპარატს, რომ ხანგრძლივად იმუშაოს

• ნესტიან ან ძალიან ცხელ გარემოში მოწყობილობა შეიძლება დაზიანდეს. შეინახე ოთახის ტემპერატურაზე, მზის პირდაპირი სხივებისგან დაცულ ადგილას.
• თუ წნევის აპარატს ხანგრძლივი დროით იყენებ, შეიძლება მისი მონაცემები არაზუსტი გახდეს. სასურველია, პერიოდულად შეამოწმო და საჭიროების შემთხვევაში, ახლით შეცვალო.
• დარწმუნდი, რომ მანჟეტი, ყოველი გამოყენების შემდეგ სუფთაა და წესრიგშია.
• თუ აპარატი ელემენტებზე მუშაობს, დროულად შეცვალე ისინი, რათა არ დაირღვეს გაზომვის სიზუსტე.

გაითვალისწინე, წნევის აპარატის სწორად გამოყენება და მისი მოვლა დაგეხმარება, რომ ყოველთვის ზუსტი და სანდო მონაცემები მიიღო.

მოერიდე გავრცელებულ შეცდომებს და დაიცავი აპარატის მოვლის წესები, რათა მან დიდხანს და ეფექტურად იმუშაოს.

სტატიის ავტორი: ქეთი გოგიჩეიშვილი

ავტორი: R (რეკლამა),

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა