შინაგან საქმეთა მინისტრის მოადგილეები - შალვა ხუციშვილი და არჩილ თალაკვაძე, საქართველოში უკონტაქტო პატრულირების შემოღებასთან დაკავშირებით, „ახალგაზრდა იურისტთა ასოციაციის“, „საერთაშორისო გამჭვირვალობა - საქართველოს“, „კონსტიტუციის 42-ე მუხლის“, „რეფორმებისა და განვითარების ასოციაციის“, სახალხო დამცველის აპარატის, პერსონალურ მონაცემთა დაცვის ინსპექტორის, „ადამიანის უფლებების სწავლებისა და მონიტორინგის ცენტრის“ და სხვა არასამთავრობო ორგანიზაციების წარმომადგენლებს შეხვდნენ.

შსს-ს ინფორმაციით, შალვა ხუციშვილმა შეხვედრის მონაწილეებს გერმანიის, საფრანგეთის, დიდი ბრიტანეთის, ჰოლანდიისა და ამერიკის შეერთებული შტატების საპოლიციო პრაქტიკა გააცნო, სადაც პატრულირების აღნიშნული ფორმა დიდი ხანია წარმატებით ფუნქციონირებს. მინისტრის მოადგილეებმა, უცხოური პრაქტიკის ანალიზზე დაყრდნობით, კიდევ ერთხელ განმარტეს ახალი ინიციატივის მიზანი და ის დადებითი შედეგები, რაც საქართველოში უკონტაქტო პატრულირების დანერგვას მოჰყვება.

შეხვედრის ბოლოს მხარეებს შორის აღნიშნულ თემაზე დისკუსია გაიმართა. შს სამინისტროს წარმომადგენლები არასამთავრობო სექტორს კანონპროექტში მათი რეკომენდაციების გათვალისწინებას დაჰპირდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა