სავაჭრო-ბრუნვის წახალისებისთვის პრინციპულად მნიშვნელოვანია ვაჭრობის ხელშეკრულებების გაფორმება“, - ამის შესახებ ეკონომიკისა და მდგრადი განვითარების მინისტრმა დიმიტრი ქუმსიშვილმა „საქსტატის“ მიერ გავრცელებული ოფიციალური მონაცემების შეფასებისას განაცხადა, რომლის მიხედვითაც სავაჭრო ბრუნვა წინა წელთან შედარებით 2%-ით შემცირდა.

როგორც დიმიტრი ქუმსიშვილმა განაცხადა, საქართველოს სავაჭრო ბრუნვა ევროკავშირთან ძალიან აქტიურია.

მისივე თქმით, შარშან ევროკავშირთან ექსპრორტი 6%-ით გაიზარდა და მთალიანად საქართველოს ექსპორტის სტრუქტურაში 29% მიაღწია.

„ევროკავშირთან სავაჭრო ბრუნვა გაგვეზარდა, გაგვეზარდა მთალიანი ექსპორტით. პირველი ორი თვის მაჩვენებელში სავაჭრო ჯამური ბრუნვა შემცირდა. ამის ძირითადი მიზეზია შესწორება, რომელიც ჯერ კიდევ მიმდინარეობს ჩვენს საგადასახდელო ბალანსში, ანუ მიმდინარე ვალუტის დევალვაციიდან ჩვენ ქვეყანაში შემოსული იმპორტი და ექსპორტი მცირდება“, - განაცხადა დიმიტრი ქუმსიშვილმა.

როგორც ეკონომიკის მინისტრმა განმარტა, ის იმედოვნებს, რომ მომავალი თვეებიდან ქვეყანას ექნება ზრდა მით უფრო როცა ლარის კურსი სტაბილურად მყარდება და შესაბამისად ამან უნდა მისცეს ქვეყანას ვაჭრობის წახალისებას.

„რაც შეეხებას ექსპორტის დაკრედიტების სააგენტოს ამ მიმართულებით ჩვენ აქტიურად ვმუშაობთ. ვმუშაობთ ჩვენ საპარტნიორო ფონდთან. აღნიშნულ ფონდში რეორგანიზაციის პროექტის განხილვის შესაძლებლობა მოხდა. ვიმედოვნებ, რომ უახლოეს მომავალში ჩვენ მივიღებთ გადაწყვეტილებას“, - განაცხადა ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება