2016-03-14 18:52:29, 389 ნახვა
პოლიტიკა
თსუ-ს აკადემიური საბჭოს სხდომაზე სავარაუდოდ, ლადო პაპავას იმპიჩმენტის საკითხს განიხილავენ
თბილისის ივანე ჯავახიშვილის სახელობის სახელმწიფო უნივერსიტეტში აკადემიური საბჭოს წევრები შეიკრიბნენ და ამ წუთებში სხდომა მიმდინარეობს.
საბჭოს სხდომაზე უნივერსიტეტში ბოლო დროს განვითარებულ პროცესებს განიხილავენ. არაოფიციალური ინფორმაციით, სხდომაზე რექტორის ლადო პაპავას იმპიჩმენტზეც მსჯელობენ.
აღსანიშნავია, რომ სხდომა დახურულ რეჟიმში მიმდინარეობს და მას თავად რექტორი ლადო პაპავაც ესწრება.
ამ დრომდე ლადო პაპავას იმპიჩმენტს მხოლოდ თვითმმართველობის წარმომადგენლები ითხოვდნენ, თუმცა განიხილება თუ არა ეს საკითხი აკადემიური საბჭოს დახურულ სხდომაზე, ამ დრომდე უცნობია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
