2025-03-28 09:23:42, 788 ნახვა
მსოფლიო
რუსული მხარის ინფორმაციით, ქვეყნის ტერიტორიაზე 78 უკრაინული დრონი ჩამოაგდეს
რუსეთის საჰაერო თავდაცვის ძალებმა ღამის განმავლობაში ქვეყნის რეგიონებში 78 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.
უწყების განმარტებით, დრონების თითქმის ნახევარი - 32 დრონი - ვორონეჟის ოლქში ჩამოაგდეს.
გარდა ამისა, 19 უპილოტო საფრენი აპარატი სარატოვის ოლქის ტერიტორიაზე ჩამოაგდეს, 17 - კურსკის ოლქის ტერიტორიაზე, 6 - ბელგოროდის ოლქში, 2 უპილოტო საფრენი აპარატი - ლიპეცკის ოლქში, თითო-თითო დრონი კი - როსტოვისა და ტამბოვის ოლქების ტერიტორიებზე.
ავტორი: ექსპრესნიუსი,
epn.ge (@expressnews.ge)
