ლადო პაპავა მის წინააღმდეგ არსებულ ბრალდებებს უარყოფს

2016-03-12 23:48:45, 783 ნახვა

სამართალი

თბილისის სახელმწიფო უნივერსიტეტის რექტორი ლადო პაპავა მის წინააღმდეგ არსებულ ბრალდებებს კატეგორიულად უარყოფს და დაპირისპირებაში მის პირად ინტერესებს გამორიცხავს.

ლადო პაპავა აცხადებს, რომ თუ გიორგი გაფრინდაშვილმა კანცლერის კანდიდატურობიდან საკუთარი კანდიდატურა არ მოხსნა, ამის შესახებ სენატმა უნდა იმსჯელოს და მიიღოს გადაწყვეტილება.

"თუკი ვინმე ნერვიულობს ყველაზე მეტად მე ვნერვიულობ. ვინმეს, რომ რამე მოუვიდეს უპირველეს ყოვლისა ჩემი პასუხისმგებლობაა და ჩემი პოზიცია არის უკიდურესად ფრთხილი," - განაცხადა ლადო პაპავამ "რუსთავი 2-ის" პირდაპირ ეთერში.

ის იქვე აცხადებს, რომ მას არ სურს დაიჯეროს, რომ სტუდენტების აქცია გარე ძალებისგან მართულია.

რაც შეეხება "ოდეერების" ინსტიტუტს, სახელმწიფო უნივერსიტეტში ოდეერების არსებობასთან დაკავშირებით განათლების მინისტრის კატეგორიული უარყოფის მიუხედავად ლადო პაპავა საკუთარ პოზიციას არ ცვლის და უნივერსიტეტში ოდეერების ყოფნას კვლავ ადასტურებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან