აშშ-ს ფინანსთა მინისტრმა სკოტ ბესენტმა Fox News-თან ინტერვიუში აღნიშნა, რომ აშშ-სა და უკრაინას შორის მინერალებზე შეთანხმება, შესაძლოა, მომდევნო კვირაში გაფორმდეს და დაამატა, რომ რუსულ მხარეზეა დამოკიდებული აშშ-ს მხრიდან სანქციების გაზრდის ან შემცირების საკითხი.

"რუსეთის ხელმძღვანელობის შემდგომი ნაბიჯები განსაზღვრავს, მოიმატებს თუ შემცირდება სანქციები და, ჩემი აზრით, პრეზიდენტი ტრამპი არ იყოყმანებს სანქციების გაზრდაზე, თუ ეს მას მოლაპარაკებებზე უპირატესობას მისცემს". - თქვა ბესენტმა.

ტრამპის ადმინისტრაციის ფინანსთა მინისტრმა თქვა, რომ უკრაინა და აშშ მინერალებზე შეთანხმებას, სავარაუდოდ, მომდევნო კვირაში მოაწერენ ხელს და დაამატა, რომ თეთრ სახლში ვოლოდიმირ ზელენსკის ვიზიტიდან დღემდე მხარეებმა დრო გამოიყენეს და შეთანხმება უფრო განავრცეს.

"ჩვენ გადავეცით ეკონომიკური პარტნიორობის დასრულებული დოკუმენტი. ამჟამად მას უკრაინული მხარე განიხილავს და იმედი გვაქვს, რომ სრული დისკუსიები დაიწყება და, ალბათ, მომდევნო კვირაში ხელმოწერებსაც ვნახავთ. თავდაპირველი დოკუმენტი 4-გვერდიანი იყო, ეს შუალედი და დრო ჩვენს სასარგებლოდ გამოვიყენეთ დამთავრებულ შეთანხმებამდე მისასვლელად, ამიტომ, დარწმუნებული ვარ, რომ წინ წავალთ და მალე მოვაწერთ ხელს".

აშშ-ს პრეზიდენტმა დონალდ ტრამპმა 20 მარტს განაცხადა, რომ "ძალიან მალე" უკრაინასთან იშვიათ მინერალებზე შეთანხმებას ხელს მოაწერს, ხოლო 24 მარტს დაამატა, რომ უკრაინასთან შეთანხმება ფაქტობრივად "მიღწეულია".

ავტორი: ექსპრესნიუსი,

სოციალური ქსელები

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია