რუსეთმა უკრაინის რამდენიმე რეგიონზე თავდასხმა განახორციელა.

ხერსონის ოლქში რუსული საავიაციო დარტყმის შედეგად ერთი ადამიანი დაიღუპა. ხერსონის ოლქის პროკურატურის ინფორმაციით, რუსეთის სამხედრო ძალებმა პარასკევს, საღამოს რეგიონზე მასირებული საავიაციო დარტყმა განახორციელეს და რვა მართვადი ავიაბომბი ჩამოაგდეს. როგორც პროკურატურა იუწყება, დაბომბვის შედეგად ხერსონში 43 წლის მამაკაცი დაიღუპა.

ქალაქის ადმინისტრაციის ხელმძღვანელმა, რომან მროჩკომ თავის ტელეგრამ არხზე ხუთი დაჭრილის შესახებ დაწერა. მისი თქმით, ერთ-ერთი ბომბი ადმინისტრაციული შენობის სიახლოვეს ჩამოვარდა, ასევე დაზიანდა მეზობელი სახლები და ვეტერინარული კლინიკა. ეს უკვე მეორე მასირებული საავიაციო დარტყმაა ხერსონსა და მის ოლქზე ბოლო 24 საათის განმავლობაში. დღის განმავლობაში ავიაბომბი ქალაქის ცენტრში ჩამოვარდა, რის შედეგადაც ორი ადამიანი დაშავდა.

სარაკეტო დარტყმის შედეგად, 12 ადამიანი დაშავდა კრივოი როგში. რაკეტა საცხოვრებელი უბანში ჩამოვარდა. ამის შესახებ დნეპროპეტროვსკის ოლქის ადმინისტრაციის ხელმძღვანელმა, სერგეი ლისაკმა განაცხადა. მისი ინფორმაციით, დაზიანდა ოთხი მრავალსართულიანი და ოთხი კერძო სახლი. ასევე ზიანი მიადგა საქალაქო კომუნიკაციებსა და სავაჭრო ობიექტებს.

წინასწარი მონაცემებით, დაშავებულებს შორის არის ორი წლის ბავშვი.

ჩერნიგოვში რუსეთის დაბომბვის შედეგად მრავალსართულიანი სახლი დაზიანდა. ამის შესახებ ქალაქის ადმინისტრაციის ხელმძღვანელმა, დმიტრი ბრიჟინსკიმ გაავრცელა ინფორმაცია. როგორც მან თავის ტელეგრამარხზე დაწერა, დაზიანდა ცხრასართულიანი საცხოვრებელი კორპუსი. ადმინისტრაციის ხელმძღვანელის მიერ გამოქვეყნებულ ფოტოებზე ჩანს ჩამსხვრეული ფანჯრები და დაზიანებული ავტომობილები. წინასწარი ინფორმაციით, მსხვერპლი და დაშავებულები არ არიან.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო