საქართველოს პრეზიდენტი გიორგი მარგველაშვილი, აზერბაიჯანში სამუშაო ვიზიტის ფარგლებში, ალბანეთის რესპუბლიკის  პრეზიდენტს ბუიარ ნიშანს ბაქოში შეხვდა.

პრეზიდენტის ადმინისტრაციის პრესსამსახურის ინფორმაციით, შეხვედრისას საქართველოსა და ალბანეთს შორის ორმხრივი ურთიერთობების განვითარების საკითხებზე ისაუბრეს და  პოლიტიკური, ეკონომიკური და კულტურული თანამშრომლობის გაღრმავებისათვის მზადყოფნა გამოთქვეს.

საქართველოს პრეზიდენტმა ალბანეთის პრეზიდენტს საქართველოს ტერიტორიული მთლიანობისა და სუვერენიტეტის, ასევე, საქართველოს ოკუპირებული ტერიტორიების არაღიარების პოლიტიკის მხარდაჭერისათვის მადლობა გადაუხადა.

შეხვედრისას საქართველოს ოკუპირებულ რეგიონებში შექმნილი ვითარება განიხილეს. როგორც საქართველოს პრეზიდენტმა აღნიშნა,  უსაფრთხოებისა და ადამიანის უფლებების მდგომარეობის თვალსაზრისით ოკუპირებულ ტერიტორიებზე არსებული ვითარება გაუარესდა, რაც კიდევ ერთხელ უსვამს ხაზს ადგილზე უსაფრთხოების საერთაშორისო მექანიზმების შექმნის აუცილებლობას.

შეხვედრისას აღინიშნა, რომ ალბანეთი მხარს უჭერს საქართველოს ევროატლანტიკური ინტეგრაციის პროცესში.

ორი ქვეყნის პრეზიდენტებმა ორმხრივი ეკონომიკური ურთიერთობის გაღრმავების საკითხზე ისაუბრეს და აღნიშნეს, რომ საინტერესო იქნება ალბანელი ბიზნესმენებისათვის საქართველოს პოტენციური საინვესტიციო შესაძლებლობების გაცნობა.

მხარეებმა მაღალი  დონის ვიზიტების გაცვლის მნიშვნელობაზე ისაუბრეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს