თუ გერმანიას ამერიკული ჯარების მასპინძლობა არ სურს, მაშინ პოლონეთი ამისთვის მზად არის, - ამის შესახებ პოლონეთის პრეზიდენტმა, ანჯეი დუდამ განაცხადა.

პოლონეთის პრეზიდენტი, ანჯეი დუდა გერმანიის საპარლამენტო არჩევნებში გამარჯვებული „ქრისტიან-დემოკრატიული კავშირის“ ლიდერის, ფრიდრიხ მერცის განცხადებას გამოეხმაურა, რომელმაც აღნიშნა, აშშ-ის პრეზიდენტს, დონალდ ტრამპს „ევროპა არ აინტერესებს და ევროპამ საკუთარი თავდაცვის შესაძლებლობები სწრაფად უნდა გააძლიეროს“.

„თუ გერმანიას ამერიკული ჯარები არ სურს, თუ აშშ-სთან პარტნიორობა არ სურს, ჩვენ აშშ-სთან პარტნიორობას სრული მზადყოფნით მივიღებთ. მთელი იმ თანამშრომლობის, რომელიც გერმანიას აშშ-სთან აქვს, პოლონეთში გადატანით დაინტერესებული ვარ“, - განაცხადა ანჯეი დუდამ.

ასევე, პოლონეთის პრეზიდენტი ფრიდრიხ მერცის კიდევ ერთ კომენტარს გამოეხმაურა, იმასთან დაკავშირებით, რომ ევროპას შესაძლოა, ნატო-ს შემცვლელი ორგანიზაციის პოვნა დასჭირდეს.

„ნატო აშშ-ს გარეშე? ყველაფერი შესაძლებელია, მაგრამ ამის აზრი რაში მდგომარეობს? მსოფლიოში უძლიერესი ძალის, აშშ-ის გარეშე უსაფრთხოების ალიანსის გარანტიები მოჩვენებითი იქნება“, - აღნიშნა დუდამ.

ავტორი: ექსპრესნიუსი,

სოციალური ქსელები

ნიკა გვარამია: ჩვენ სრული გეოპოლიტიკური კატასტროფის წინაშე ვდგავართ

არაღჩი: თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში

POG: მუქარის განხორციელების ფაქტზე ლაზარე გრიგორიადისს ბრალდება წარედგინა

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს