დიდი ბრიტანეთის თემთა პალატაში საქართველოს შესახებ იმსჯელეს, სადაც კითხვებს ევროპის საკითხებში დიდი ბრიტანეთის სახელმწიფო მინისტრი სტივენ დაუთი პასუხობდა.

მინისტრს თემთა პალატაში დაუსვეს კითხვა, „გასულ თვეს ევროპის საბჭოში შევხვდი საქართველოს ოპოზიციის რამდენიმე წევრს. მათ მაჩვენეს გრაფიკული მტკიცებულებები იმ სასტიკი ფიზიკური შეურაცხყოფისა, რომელიც ქართული რეჟიმის ხელით ხორციელდებოდა ბოლო საპარლამენტო არჩევნებამდე, არჩევნების დროს და მას შემდეგ. ბიძინა ივანიშვილი, პუტინის მიერ მხარდაჭერილი ოლიგარქი და საქართველოს დე ფაქტო მმართველი, განაგრძობს მშვიდობიანი პროცესის ჩახშობას და იყენებს იდენტურ მეთოდს, რომელიც გამოიყენება რუსეთში. ძალადობა და დაშინება ამახინჯებს პოლიტიკურ პროცესს. შეერთებულმა შტატებმა ბიძინა ივანიშვილს სანქციები დაუწესა, მაგრამ ბიძინა ივანიშვილის სიმდიდრის დიდი ნაწილი დაფუძნებულია გაერთიანებულ სამეფოში ან ბრიტანეთის ზღვისიქითა ტერიტორიებზე. ხომ არ აიღებს მინისტრი ვალდებულებას, რომ გაერთიანებული სამეფო შეუერთდება ჩვენს მოკავშირეებს და გაყინავს ასეთი საზიზღარი ტირანის აქტივებს?“

სტივენ დაუთის განცხადებით, ძალიან შემაშფოთებელია საქართველოს მთავრობის მხრიდან მშვიდობიანი დემონსტრანტების და ჟურნალისტების მიმართ ძალადობა, რაც სრულიად მიუღებელია.

„ამის საპასუხოდ ჩვენ შევაჩერეთ საქართველოს მთავრობის მხარდაჭერის პროგრამები და შევზღუდეთ თავდაცვის სფეროში თანამშრომლობა და ასევე შევზღუდეთ თანამშრომლობა „ქართულ ოცნებასთან“. ჩვენ დავაწესეთ სავიზო შეზღუდვები და სანქციები ძალადობაზე პასუხისმგებელი პირების მისამართით და ჩვენ ვაგრძელებთ საერთაშორისო პარტნიორებთან ერთად თავისუფალი და ღია სამოქალაქო საზოგადოების და მედიის მხარდაჭერას საქართველოში“, – განაცხადა სტივენ დაუთმა.

მისი თქმით, მნიშვნელოვანია, ევროპის საბჭოში საქართველოს საკითხზე ყველა ერთად დადგეს.

„შემიძლია მადლობა გადავუხადო PACE-ს დელეგაციის თანამშრომლებს იმ მნიშვნელოვანი სამუშაოსთვის, რომელსაც ისინი ასრულებენ, მათ შორის საქართველოს საკითხზე. უაღრესად მნიშვნელოვანია, ერთად დავდგეთ ევროპელ კოლეგებთან ერთად ევროპის საბჭოში ამ საკითხებზე. აშშ-სთან კოორდინაციით გაერთიანებულმა სამეფომ, როგორც უკვე ვთქვი, სანქციები დაუწესა შინაგან საქმეთა მინისტრს და მის მოადგილეს, ასევე პოლიციის სამ მაღალჩინოსანს, რომლებიც პასუხისმგებელნი არიან ძალადობაზე, ჟურნალისტებსა და მშვიდობიან დემონსტრანტებზე თავდასხმებზე საქართველოში. მაშინ როდესაც ჩვენ განვაგრძობთ საქართველოში სიტუაციის განვითარების ყურადღებით მონიტორინგს, ჩვენ არ ვაკეთებთ სამომავლო სანქციების შესაძლო დაწესებაზე კომენტარს, რადგან ამის გაკეთება შეამცირებდა მათ ზემოქმედებას“, – განაცხადა სტივენ დაუთმა.

ავტორი: ექსპრესნიუსი,

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს