“ქართული ოცნების“ უმრავლესობა ცესკოს წევრების არჩევის წესს კიდევ ერთხელ ცვლის - პარლამენტის მიერ ცესკოს ვაკანტურ თანამდებობაზე წარდგენილი პირების ასარჩევად, სამ მეხუთედიანი კვორუმით კენჭისყრის ჩატარება საჭირო აღარ იქნება.

პარლამენტის რეგლამენტში დაგეგმილი ცვლილებების მიხედვით, ცესკოს წევრის არჩევისას არჩეულად ის კანდიდატი ჩაითვლება, რომელსაც მხარს პარლამენტის სრული შემადგენლობის უმრავლესობა დაუჭერს.

“კონსტიტუციური პრინციპიდან გამომდინარე, საქართველოს პარლამენტი სრული შემადგენლობის უმრავლესობით წყვეტს ისეთ მნიშვნელოვან საკითხებს, როგორებიცაა - პარლამენტის რეგლამენტის ცვლილება, პარლამენტის თავმჯდომარის არჩევა და სხვა. გარდა ამისა, პარლამენტი სრული შემადგენლობის უმრავლესობით ახორციელებს საერთაშორისო ხელშეკრულებების რატიფიცირებას, დენონსირებასა და გაუქმებას.

გონივრულია აღნიშნული კონსტიტუციური პრინციპი ცესკოს წევრის არჩევის წესზეც გავრცელდეს“, - ვკითხულობთ კანონის პროექტის განმარტებით ბარათში.

ამავე პროექტის გათვალისწინებით, პარლამენტის მიერ საჯარო გადაწყვეტილებათა მიღების პროცესში არასამთავრობო ორგანიზაციათა მონაწილეობა სავალდებულო აღარ იქნება - მათ შორის ისეთი მნიშვნელობის საკითხების გადაწყვეტისას, როგორიცაა საპროკურორო საბჭოს წევრების, საერთო სასამართლოების მოსამართლეთა სადისციპლინო კოლეგიის წევრობის კანდიდატების, ასევე ცესკოს წევრების არჩევა არასამთავრობო ორგანიზაციების მონაწილეობა კანონით გათვალისწინებული არ იქნება.

ავტორი: ექსპრესნიუსი,

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს