გერმანიის კანცლერმა ოლაფ შოლცმა არჩევნებში დამარცხება აღიარა.

„ეს არის მწარე არჩევნების შედეგი სოციალ-დემოკრატიული პარტიისთვის, ეს არის დამარცხება“, - თქვა მან და მხარდამჭერებს მიმართა.

ამასთან, ოლაფ შოლცმა CDU/CSU ბლოკის ლიდერს ფრიდრიხ მერცს გამარჯვება მიულოცა და ხაზი გაუსვა, რომ ულტრამემარჯვენეებს ხელისუფლებაში მოსვლის უფლება არ უნდა მივცეთ.

კვირას გერმანიაში ჩატარდა ვადამდელი საპარლამენტო არჩევნები, რომელიც განსაზღვრავს ევროკავშირის უდიდესი სახელმწიფოს კურსს მომდევნო ოთხი წლის განმავლობაში.

ეგზიტპოლების მიხედვით, CDU/CSU ბლოკი ლიდერობს ხმების დაახლოებით 29%-ით, ხოლო ულტრამემარჯვენე ალტერნატივა გერმანიისთვის (AfD) მეორე ადგილს იკავებს ისტორიულად მაღალი შედეგით (ხმების დაახლოებით 20%). მესამე ადგილზე მყოფი გერმანიის მემარცხენე-ცენტრისტულ სოციალ-დემოკრატიულ პარტიას ხმების 16% აქვს.

ფოტო: ოლაფ შოლცი ეგზიტპოლის შედეგების გამოცხადების შემდეგ, 2025 წლის 23 თებერვალს. AP Photo/Ebrahim Noroozi

ავტორი: ექსპრესნიუსი,

სოციალური ქსელები

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა

ნიკა გვარამია: ჩვენ სრული გეოპოლიტიკური კატასტროფის წინაშე ვდგავართ

არაღჩი: თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში