სამოქალაქო პლატფორმის „საქართველოს ევროპული ორბიტის“ დამფუძნებელმა, ნინო ლომჯარიამ მეხუთე პრეზიდენტ სალომე ზურაბიშვილსა და არასამთავრობო ორგანიზაციებს შორის შეხვედრის დასრულების  შემდეგ აღნიშნა, რომ საუბარი შეეხო ქვეყნის სიტუაციას, რომელიც თვალსაჩინოდ დამძიმებულია ადამიანის უფლებების მხრივ. მისივე თქმით, მუდმივად ხდება ინფორმაციების გროვება წამებითა და ცემით დაზარალებულთა, ასევე დაკავებულთა შესახებ, და იმ პირთა სიას, რომლებიც ჩართულნი არიან სახელმწიფოს მხრიდან მოქალაქეების ტერორში.

„ჩვენ რეგულარულად ვამუშავებთ ინფორმაციას ნაწამებ და ნაცემ ადამიანებზე, ასევე დაკავებულებზე. ვსწავლობთ სისხლის სამართლის პასუხისგებაში მიცემულ მოქალაქეების საქმეებს და მუდმივად ვამუშავებთ იმ პირთა სიას, რომლებიც ჩართულნი არიან სახელმწიფოს მხრიდან მოქალაქეთა ტერორში. ინფორმაციებს მუდმივად ვაწვდით საერთაშორისო პარტნიორებს და, რა თქმა უნდა, საქართველოს პრეზიდენტსაც,“ – განაცხადა ლომჯარიამ.

ლომჯარიამ აღნიშნა, რომ პრეზიდენტი უნდა იყოს კარგად ინფორმირებული და დოკუმენტებითა და მტკიცებულებებით ისაუბროს ქვეყანაში არსებულ ვითარებაზე, რადგან მას მნიშვნელოვანი შეხვედრები ელის დასავლელ პარტნიორებთან.

„სალომე ზურაბიშვილმა განაცხადა, რომ მას სურვილი აქვს საზოგადოების სხვადასხვა ჯგუფთან თემატური შეხვედრები გამართოს და შემდეგ ანგარიშს ჩააბარებს საზოგადოებას, თუ რაზე იყო საუბარი,“ – დასძინა მან.

გარდა ამისა, ლომჯარიამ ხაზი გაუსვა, რომ საქართველოსათვის ძალიან მნიშვნელოვანია, რომ ქვეყანა იყოს საერთაშორისო პოლიტიკის დღის წესრიგში, განსაკუთრებით იმის გათვალისწინებით, რომ მიუნხენის კონფერენციის მთავარი თემა უკრაინის საკითხი იქნება.

„მნიშვნელოვანია, რომ საქართველო იყოს დასავლელი პარტნიორების დღის წესრიგში, რადგან ჩვენ ვიბრძვით და ვუწევთ წინააღმდეგობას რუსული და ავტოკრატიული გავლენების გაძლიერებას. მნიშვნელოვანია, რომ დღეს დასავლელი პარტნიორებიც დაეხმარონ საქართველოს საზოგადოებას. ასევე, მნიშვნელოვანია, რომ გაგრძელდეს სანქციები იმ ადამიანების მიმართ, რომლებიც ჩართულნი არიან დანაშაულებრივ და პოლიტიკურ რეპრესიებში,“ – განაცხადა ნინო ლომჯარიამ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია