ნორვეგიის საგარეო საქმეთა სამინისტრო საქართველოში მიმდინარე მოვლენებს განცხადებით გამოეხმაურა.

განცხადებაში წერია, რომ 26 ოქტომბრის საპარლამენტო არჩევნები ფართომასშტაბიანი დარღვევებით ჩატარდა.

"საერთაშორისო დამკვირვებლებმა სერიოზულად გააკრიტიკეს არჩევნები, ამის შესახებ ეუთო-ოდირის დასკვნაშიც წერია". – ვკითხულობთ განცხადებაში.

გარდა ამისა, ქართული ოცნების მიერ ევროკავშირში გაწევრიანებაზე უარის თქმის და საპროტესტო აქციებზე არაპროპორციული ძალის გამოყენების გამო ნორვეგიის საგარეო საქმეთა სამინისტრო საქართველოსთვის გარკვეულ შეზღუდვებს აწესებს:

"ევროკავშირის მსგავსად ნორვეგიის მთავრობა საქართველოსთვის აწესებს შემდეგ შეზღუდვებს:

• საქართველოს ხელისუფლებასთან შეწყდება ყველა სახის პროექტი;
• ნორვეგიის მხრიდან საქართველოს მთავრობას შეუწყდება ყველანაირი ფინანსური მხარდაჭერა;
• შეწყდება საქართველოსა და ნორვეგიას შორის თანამშრომლობა სამხედრო სექტორში;
• შემცირდება პოლიტიკური კონტაქტები;"

ნორვეგიის საგარეო უწყების განცხადებით, EU-ის მიერ ქართველი დიპლომატებისთვის უვიზო მიმოსვლის შეჩერებასთან დაკავშირებით ქვეყანა პარალელური ზომების მიღებას განიხილავს.

ავტორი: ექსპრესნიუსი,

სოციალური ქსელები

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება