მიმდინარე წლის 10 მარტიდან საჯარო სამართლის იურიდიული პირი - პარლამენტის კვლევითი ცენტრი ლიკვიდირებულ იქნება.

ცენტრის ბალანსზე არსებული ქონება და მისი კუთვნილი მატერიალურ-ტექნიკური, ასევე სხვა შესაბამისი საინფორმაციო და კვლევითი რესურსი საქართველოს პარლამენტის ბალანსზე გადაინაცვლებს. ლიკვიდაციის შედეგად, პარლამენტის კვლევითი ცენტრის თანამშრომლები გათავისუფლდებიან, თუმცა მიიღებენ კომპენსაციას, რომელიც 3 თვის თანამდებობრივი სარგოს ოდენობას შეადგენს.

პარლამენტის კვლევითი ცენტრის ლიკვიდაციის ინიციატივა პარლამენტის თავმჯდომარემ, შალვა პაპუაშვილმა წარადგინა.

„2019 წელს, როდესაც პარლამენტის კვლევითი ცენტრი საჯარო სამართლის იურიდიული პირის სტატუსით შეიქმნა, მისი მიზანი იყო, რომ ყოფილიყო ცალკე სუბიექტი, რომელსაც კვლევითი საქმიანობის შესრულების შესაძლებლობა ექნებოდა არა მხოლოდ პარლამენტისთვის, არამედ გარე ფინანსური რესურსების მოძიების შესაძლებლობაც და სხვა კვლევით ცენტრებთან კოლაბორაციის წარმოებაც.

რეალობამ კი აჩვენა, რომ გარე ფინანსების მოძიების რესურსი იმდენად არ იყო დიდი, რომ მასზე დაყრდნობით მასშტაბური კვლევების ჩატარება შეიძლებოდა. ამავე დროს, გარე კვლევების და პარლამენტის მიღმა საქმიანობაში ჩართვა თანამშრომლების რესურსების სხვა მიმართულებებზე გადამისამართებას გულისხმობდა.

პირველი მიზანი, რომელიც ჩადებული იყო პარლამენტის კვლევითი ცენტრის შექმნაში, ვერ განხორციელდა“, - განაცხადა შალვა პაპუაშვილმა პარლამენტის კვლევითი ცენტრის ლიკვიდაციის გადაწყვეტილების ახსნაზე.

ავტორი: ექსპრესნიუსი,

სოციალური ქსელები

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება