2025-01-30 13:39:00, 455 ნახვა
პოლიტიკა
ვუსამძიმრებთ დაღუპულთა ოჯახებს, სოლიდარობას ვუცხადებთ ამერიკელ ხალხს - საგარეო უწყება ავიაკატასტროფაზე
საქართველოს ხელისუფლების საგარეო საქმეთა სამინისტრო სამძიმარს აცხადებს აშშ-ში ავიაკატასტროფის გამო.
„ღრმა მწუხარებას გამოვთქვამთ ვაშინგტონის მახლობლად მომხდარი ტრაგიკული ავიაკატასტროფის გამო, რამაც ათეულობით ადამიანის სიცოცხლე შეიწირა“, - წერს საგარეო უწყება X-ზე.
„ჩვენ გულწრფელად ვუსამძიმრებთ დაღუპულთა ოჯახებს და სოლიდარობას ვუცხადებთ ამერიკელ ხალხს ამ რთულ პერიოდში“, - წერია განცხადებაში.
ავტორი: ექსპრესნიუსი,
epn.ge (@expressnews.ge)
