2025-01-29 08:43:41, 359 ნახვა
პოლიტიკა
პეტერ ფიშერი მზია ამაღლობელზე - წარდგენილი ბრალდება და მისი წინასწარი პატიმრობა გადაჭარბებული და გაუმართლებელი ჩანს
საქართველოში გერმანიის ელჩი, პეტერ ფიშერი სოციალურ პლატფორმა X-ზე მზია ამაღლობელის პატიმრობის ამბავს ეხმაურება. წერს, რომ მზია ამაღლობელისთვის წარდგენილი ბრალდება და მისი წინასწარი პატიმრობა გადაჭარბებული და გაუმართლებელი ჩანს.
„ჟურნალისტ მზია ამაღლობელის საქმე ძალიან ცუდია. ევროკავშირის ელჩები "ნეტგაზეთისა" და "ბათუმელების" რედაქტორებსა და ამაღლობელის იურიდიულ გუნდს შევხვდით. წარდგენილი ბრალდება და მისი წინასწარი პატიმრობა გადაჭარბებული და გაუმართლებელი ჩანს. ყველამ ვნახეთ ხელის დარტყმის ვიდეო. სად არის ჰუმანურობა?“ - წერს ელჩი.
ავტორი: ექსპრესნიუსი,
epn.ge (@expressnews.ge)
