ევროპის საბჭოს საპარლამენტო ასამბლეის სხდომაზე საქართველოს დელეგაციის უფლებამოსილება გასაჩივრდა. გასაჩივრების ინიციატორი ევროსაბჭოს საპარლამენტო ასამბლეის წევრი, „ევროპის სახალხო პარტიის“ წარმომადგენელი, შვედი პოლიტიკოსი ბორიანა აბერგი გახდა, რომელმაც საქართველოში არსებული პოლიტიკური ვითარება გააკრიტიკა.

„საქართველოს პარლამენტი არის ერთპარტიული პარლამენტი, სადაც მხოლოდ „ქართული ოცნებაა“. ივანიშვილის რეჟიმი ანგრევს დემოკრატიულ წესრიგს საქართველოში. ეს არის მიზეზი, რის გამოც მე ვასაჩივრებ უფლებამოსილებას ევროპის სახალხო პარტიის ჯგუფის სახელით, პროცედურის წესების A2A მუხლის შესაბამისად. მე ვასაჩივრებ საქართველოს დელეგაციის უფლებამოსილებას“, – აღნიშნა აბერგმა.

პროცედურის წესების თანახმად, გასაჩივრებისთვის მხარი უნდა დაეჭირა, სულ მცირე, 30 წევრს ხუთი სხვადასხვა ეროვნული დელეგაციიდან. კენჭისყრის შედეგად, ინიციატივამ საკმარისი მხარდაჭერა მოიპოვა. საკითხი განსახილველად გადაეცა შესაბამის კომიტეტს, რომელმაც საკუთარი დასკვნა 24 საათის ვადაში უნდა წარმოადგინოს.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე