თბილისის სახელმწიფო უნივერსიტეტის საგამოცდო სივრცეში ხმაური იყო. სტუდენტების ნაწილი და უნივერსიტეტის დაცვის წარმომადგენლები ერთმანეთს მას შემდეგ დაუპირისპირდნენ, როდესაც უნივერსიტეტის დაცვამ „მაისის სტუდენტური მოძრაობის“ მიერ დაკავებულ სივრცეში შესვლა შეძლო.

„მაისის სტუდენტურმა მოძრაობამ“ საგამოცდო ცენტრი გუშინ დაიკავა, მათ საგამოცდო სივრცეში შესასვლელი სივრცე სავარძლებით, მაგიდებითა და სხვადასხვა საშუალებებით ჰქონდათ ჩახერგილი. მათივე ინფორმაციით, ეს სივრცე დღეს დაცვამ გაარღვია.

„ეს ნორმალურია? ეს რა ფორმა არის? ეს არის უნივერსიტეტის დაცვა? შემოდით და დაწერეთ ახლა თქვენი გამოცდები. ასე გვიცავს დაცვა სტუდენტებს?“ - განაცხადეს მათ.

ინფორმაციისთვის, „მაისის სტუდენტურმა მოძრაობამ“ საგამოცდო სივრცე გუშინ დაიკავა. როგორც ისინი აღნიშნავდნენ, მათი იქ დგომის მიზეზი არის, რომ „შეუძლებელია ისწავლონ, მანამ, ვიდრე მათი თანატოლები ციხეში არიან, ვიდრე საცხოვრებელი არ გააჩნიათ, ვიდრე არ აქვთ საკმარისი სტიპენდია და სხვა მატერიალური პირობები“.

ავტორი: ექსპრესნიუსი,

სოციალური ქსელები

მიხეილ სააკაშვილი: არსაიდან გასვლას და არანაირ დემარშს არ ვაპირებ

ყაველაშვილმა აჭარის ა/რ მთავრობის თავმჯდომარედ ზურაბ პატარაძის კანდიდატურა წარადგინა

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი