ხალხი რუსული ოლიგარქის მიერ მიტაცებული სახელმწიფოს დასაბრუნებლად იბრძვის და ამ პროცესში ძალიან მნიშვნელოვანია, რომ ქართველი ხალხი მარტო არ არის დატოვებული, - ასე გამოეხმაურა „ძლიერი საქართველოს“ ერთ-ერთი ლიდერი ანა ნაცვლიშვილი გერმანიის პარლამენტის საგარეო საქმეთა კომიტეტის თავმჯდომარის, მიხაილ როთის საქართველოში ჩამოსვლას.

როგორც ნაცვლიშვილი აღნიშნავს, „მიმდინარე მოვლენების გამო, ახლა ქვეყანა საერთაშორისო ყურადღების ეპიცენტრშია“.

„გულწრფელად რომ გითხრათ, მერჩივნა ჩვენი ქვეყანა ყურადღების ცენტში იმ პოზიტიური რეფორმების განხორციელებით იყოს, რომელსაც „ძლიერი საქართველო“ და სხვა პროდასავლური პარტიები წინასაარჩევნოდ ვამზადებდით ჩვენი მოქალაქეების ინტერესების და უფლებების დასაცავად. მათ შორის, მირჩევნია, დღეს საქართველოში ვითარება იყოს, როცა ინტენსიური მუშაობა წარიმართებოდა სასამართლოს რეფორმაზე, მედია გარემოს უსაფრთხოებაზე. ეს არის რაზეც, ქართველ ხალხს სურდა, რომ არჩევნების შემდეგ მუშაობა ყოფილიყო, მაგრამ ვინაიდან არჩევნები რუსულმა რეჟიმმა მიიტაცა, ეს შეუძლებელია. ხალხი რუსული ოლიგარქის მიერ მიტაცებული სახელმწიფოს დასაბრუნებლად იბრძვის და ამ პროცესში ძალიან მნიშვნელოვანია, რომ ქართველი ხალხი მარტო არ არის დატოვებული",- განაცხადა ნაცვლიშვილმა.

ავტორი: ექსპრესნიუსი,

სოციალური ქსელები

სააკაშვილი - გადავარჩინე ქართული სახელმწიფოებრიობა და დამოუკიდებლობა ურთულეს სიტუაციაში

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე