2025-01-10 11:49:03, 437 ნახვა

---

მინსკის სასამართლომ ბელარუსში ევროკავშირის დელეგაციის თანამშრომელს ოთხი წლით პატიმრობა მიუსაჯა

მინსკის საქალაქო სასამართლომ ბელარუსში ევროკავშირის დელეგაციის თანამშრომელს, ნიკოლაი ჰილოს, ოთხი წლით პატიმრობა მიუსაჯა. ჰილო ბრალდებული იყო მტრობის წახალისების და სანქციების მოთხოვნის მუხლებით. იგი მოიხდის სასჯელს მსჯავრდადებულთა კოლონიაში.

ევროპის საგარეო ურთიერთობათა სამსახურმა მის დაუყოვნებლივ გათავისუფლებას მოითხოვა. „ჩვენ ვაგრძელებთ ნიკოლაი ჰილოს დაუყოვნებლივ და უპირობო გათავისუფლებას,“ - განაცხადა ევროპული სამსახურის წარმომადგენელმა ანიტა ჰიპერმა.

ბელარუსის რეჟიმი აგრძელებს რეპრესიებს პოლიტიკური ოპონენტების, აქტივისტებისა და ჟურნალისტების წინააღმდეგ. უფლებადამცველების ინფორმაციით, ბელარუსში 3600-მდე პოლიტპატიმარი ირიცხება მას შემდეგ, რაც 2020 წლის აგვისტოს არჩევნების შემდეგ, ლუკაშენკას რეჟიმი მასშტაბური რეპრესიებით დაუპირისპირდა დემოკრატიის მომხრე დემონსტრანტებს. არჩევნების შედეგებს მილიონობით მოქალაქე გაყალბებულად თვლიდა.

მიუხედავად საერთაშორისო საზოგადოების კრიტიკისა, ბელარუსში რეპრესიები გრძელდება. სამოქალაქო აქტივისტების შეფასებით, ციხეში რჩება სულ მცირე 1253 პოლიტპატიმარი, თუმცა მათი რეალური რაოდენობა, დიდი ალბათობით, ბევრად მაღალია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი