დამოუკიდებელ ექსპერტთა კლუბის პრეზიდენტის სოსო ცისკარიშვილის შეფასებით, პრემიერ-მინისტრ გიორგი კვირიკაშვილის განცხადება „ობიექტური და განათლებული“ გზავნილია ერთმანეთთან დაპირისპირებული პოლიტიკოსებისთვის. 

ამის შესახებ ცისკარიშვილმა „ექსპრესნიუსთან“ თემის კომენტირებისას განაცხადა. 
პოლიტოლოგის თქმით, პრემიერ-მინისტრის განცხადება სასურველი იქნებოდა  ერთი თვის წინ მაინც გაკეთებულიყო. 

„პრემიერ-მინისტრის  უფლებამოსილებებიდან გამომდინარე ასეთი განცხადება არ არის რაიმე ზღვარგადასული უფლებების მაჩვენებელი. დარწმუნებული ვარ, არ იყო მისი სურვილი, რომ ყველასი ან ყველაფრის უფროსად მოგვლინებოდა. რეალობა ასეთია. სასურველი იქნებოდა, რომ ეს განცხადება ერთი თვის წინ მაინც გაკეთებულიყო. გადავარჩენდით შფოთისაგან მრავალ ტელევიზიას და მათ მაყურებლებსაც. ვფიქრობ, რომ ობიექტური და განათლებულია, მისი გზავნილი ერთმანეთთან დაპირისპირებულ  პირებზე. ჩემი აზრით, პრემიერის განცხადება უნდა იყოს დამაგვირგვინებელი“, - განუცხადა „ექსპრესნიუსს“  ცისკარიშვილმა.  

ცნობსითვის, საქართველოს პრემიერმინისტრი გიორგი კვირიკაშვილი კოალიციაში არსებულ პოლიტიკურ დაპირისპირებას ეხმაურება და აცხადებს, რომ დაპირისპირებამ სრულიად მიუღებელი ფორმა მიიღო. 
როგორც გიორგი კვირიკაშვილის განცხადებაშია ნათქვამი, თავდაცვის მინისტრი პირველ რიგში მთავრობის წევრია და მხოლოდ ამის შემდეგ არის საკუთარი პარტიის ერთ–ერთი ლიდერი. სწორედ მისი სტატუსიდან გამომდინარე, პრემიერის შეფასებით, მისი მხრიდან მსგავს დაპირისპირებაში ჩართვა მიუღებელია. გიორგი კვირიკაშვილი პოლიტიკურ პარტნიორებს მოუწოდებს, ნებისმიერი სადავო საკითხი მხოლოდ კოალიციის შიგნით განიხილონ;

"წინააღმდეგ შემთხვევაში, მე, როგორც ქვეყნის პრემიერ-მინისტრი და კოალიციის ლიდერი, აუცილებლად განვახორციელებ ცვლილებებს, რომლებიც უზრუნველყოფს მთავრობის სტაბილურ ფუნქციონირებას და პოლიტიკური პროცესის ჯანსაღ ჩარჩოებში მოქცევას", - ნათქვამია გიორგი კვირიკაშვილის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს