2025 წლიდან პარლამენტის წევრების ხელფასი იზრდება. ამ მიმართულებით, პარლამენტის თავმჯდომარის შალვა პაპუაშვილის ინიციატივით პარლამენტის რეგლამენტში განხორციელებული ცვლილებები ძალაში შევიდა.

პროექტის თავდაპირველი ვარიანტით, პარლამენტის წევრების გაზრდილი ხელფასები იყო ფიქსირებული, კონკრეტული რიცხვებით წარმოდგენილი და საპარლამენტო თანამდებობების შესაბამისად, 8 250 – 10 000 ლარის ფარგლებში განისაზღვრებოდა.

განხილვის პროცესში პროექტი რამდენჯერმე დაკორექტირდა და დეპუტატთა გაზრდილი ხელფასები რიცხვების ნაცვლად, იმ კოეფიციენტებში აისახა, რომელიც “საჯარო სამსახურის შესახებ“ კანონით არის დადგენილი. სადეპუტატო ხელფასები კანონით განსაზღვრული კოეფიციენტების მაქსიმალური ზღვარის ფარგლებში დადგინდა.

XI მოწვევის პარლამენტის წევრებისთვის შემდეგი სახელფასო კოეფიციენტები განისაზღვრა:

პარლამენტის თავმჯდომარე – 10.00;

პარლამენტის თავმჯდომარის პირველი მოადგილე – 9.20;

პარლამენტის თავმჯდომარის მოადგილე – 9.00;

კომიტეტის თავმჯდომარე, ფრაქციის თავმჯდომარე – 8.50;

კომიტეტის თავმჯდომარის პირველი მოადგილე, ფრაქციის თავმჯდომარის პირველი მოადგილე – 8.30;

კომიტეტის თავმჯდომარის მოადგილე, ფრაქციის თავმჯდომარის მოადგილე – 8.10;

პარლამენტის წევრი, რომელიც არ არის პარლამენტის თანამდებობის პირი – 8.0;

თანამდებობრივი სარგოს კოეფიციენტებზე გადაანგარიშების მიხედვით კი, "ბიზნესპრესნიუსის" ინფორმაციით, პარლამენტის წევრების ხელფასები 2025 წლიდან შემდეგი ოდენობით იქნება: პარლამენტის თავმჯდომარის წლიური შემოსავალი ამ თანამდებობებზე წლიურად 175 200, ხოლო თვიურ ჭრილში 14 600 ლარი იქნება; პარლამენტის თავმჯდომარის პირველ მოადგილეს (კოეფიციენტი 9.2) 2025 წლიდან სარგოს სახით, წლიურად 161 184 ლარი, თვეში 13 432 ლარი; პარლამენტის თავმჯდომარის მოადგილეს (კოეფიციენტი 9) - წლიურად 157 680 ლარი, თვეში 13 140 ლარი; კომიტეტის თავმჯდომარეს (კოეფიციენტი 8.6) - წლიურად 150 672 ლარი, თვეში 12 556 ლარი; პარლამენტის წევრებს კი (კოეფიციენტი 8) - წლიურად 140 160 ლარი, თვეში 11 680 ლარი. აღნიშნულ თანამდებობრივ სარგოს გამოკლებული არ აქვს საშემოსავლო 20%-ანი გადასახადი.

ამასთან, 1-ელი იანვრიდან ხელფასები 10%-ით გაეზრდება საჯარო სამსახურში დასაქმებულ ყველა პირს.

ავტორი: ექსპრესნიუსი,

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა