განათლების სამინისტროსთან აქცია-პერფორმანსი იმართება [ვიდეო]

2024-12-11 17:21:26, 421 ნახვა

პოლიტიკა

განათლების სამინისტროსთან STEM (მეცნიერება, ტექნოლოგიები, ინჟინერია, მათემატიკა) საზოგადოების ორგანიზებით აქცია-პერფორმანსი მიმდინარეობს.

უწყების შენობის წინ შეკრებილმა მოქალაქეებმა „ქართული ოცნების“ მაღალი თანამდებობის პირების რუსულ ენაზე დაბეჭდილი დიპლომები მიიტანეს და დაწვეს.

„მოვითხოვთ ხელახალი არჩევნების ჩატარებას; მოვითხოვთ რეჟიმის პოლიტპატიმრების გათავისუფლებას; ვეწინააღმდეგებით ძალადობას მოქალაქეების მიმართ; ვგმობთ არალეგიტიმური ხელისუფლების მხრიდან კონსტიტუციის უგულებელყოფას, მათ შორის, სამართლებრივი სახელმწიფოს პრინციპის დარღვევას და ქვეყნის ევროინტეგრაციის გზიდან გადახვევას“,- აღნიშნულია ორგანიზატორების მიერ სოციალურ ქსელში გამოქვეყნებულ განცხადებაში.

აქცია-პერფორმანსის შემდეგ განათლების სამინისტროდან პარლამენტის მიმართულებით მსვლელობა გაიმართება.