"თავისუფალი დემოკრატების" წევრები შინაგან საქმეთა მინისტრ გიორგი მღებრიშვილს შეხვდნენ. შეხვედრის თემა პარტიის გენერალურ მდივან ალექსი პეტრიაშვილზე თვდასხმა იყო.  როგორც შეხვედრის დასრულების შემდეგ ფრაქცია "თავისუფალი დემოკრატების" თავმჯდომარე ირაკლი ჩიქოვანმა ჟურნალისტებს განუცხად, მინისტრის ინფორმაციით, გამოძიება წინ მიდის და დამნაშავეები დაუსჯელები არ დარჩებიან.

"მინისტრმა დაგვარწმუნა, რომ გამოძიება  წინ მიდის და რეალურად ეს საქმე არ დარჩება დამნაშავეების დაუსჯელად. ძალიან კარგია, რომ შეხვედრა შედგა. ჩვენ იგივე აზრზე ვრჩებით, რომ აუცილებელია ძალიან სწრაფი გამოძიება,  ვინაიდან ეს ისე მოქმედებს ქვეყნის შიგნით არსებულ მდგომარეობაზე, როგორც ქვეყნის გარეთ არსებულ მდგომარეობაზე",-განაცხადა ირაკლი ჩიქოვანმა.

რაც შეეხება მუხლის კვალიფიკაციას, ვიქტორ დოლიძის თქმით, გამორიცხული არაა,  გამოძიების მიმდინარეობის დროს მუხლი შეიცვალოს, როგორც ზოგადად პრაქტიკაში ხდება:

"გამოძიების დეტალებზე საუბარი არ ყოფილა. რაც შეეხება კვალიფიკაციას, შესაძლოა გამოძიების დროს კვალიფიკაცია შეიცვალოს. როგორც მინისტრმა გვითხრა,  ამგვარი პრაქტიკა არსებობს, აქ რაფერი განსაკუთრებული არ არის", - აღნიშნა ვიქტორ დოლიძემ.

შეგახსენებთ,  26 თებერვალს, თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს.  

მომხდარის შესახებ შეტყობინება გადაუდებელი დახმარების ოპერატიული მართვის ცენტრ „112“-ში ახლომდებარე საცხოვრებელ კორპუსში მცხოვრები მოქალაქისგან შევიდა. შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. შემთხვევა საბურთალოს პანთეონის ძმათა სასაფლაოს ტერიტორიაზე მოხდა.

ალექსი პეტრიაშვილის ჯანმრთელობის მდგომარეობა ამ დროისთვის დამაკმაყოფილებელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს