თქვენ ხედავთ, იმ მძიმე პროცესებმა, რომელიც ოლიგარქმა ივანიშვილმა თავისი ავტორიტარული მმართველობით შექმნა, მათ შორის დასავლეთთან იზოლაციის კუთხით, რამდენად გაზარდა ქვეყნისა და ქვეყნის გაცხადებული ინტერესებისთვის საფრთხეები, - ამის შესახებ „გახარია - საქართველოსთვის“ წევრმა, თეონა აქუბარდიამ ოპოზიციური პარტიების ერთობლივ ბრიფინგზე განაცხადა.

აქუბარდიას განცხადებით, ოპოზიციური პარტიები ერთობლივად აგრძელებენ მუშობას იმისათვის, რომ დაუწესდეს სანქციები იმ პირებს, რომლებიც ქვეყანაში „ოლიგარქიული რეჟიმის“ პირობებში ადამიანის ფუნდამენტურ უფლებებს არღვევენ.

„გუშინ ვიხილეთ ჩვენი დასავლელი მეგობრების განცხადებები, მათ შორის დიდი ბრიტანეთის, რომელმაც საქართველოსთან ყველა პროგრამა გააჩერა, მათ შორის თავდაცვის სფეროში. თქვენ ნახეთ ევროკავშირის ელჩის პოზიცია, მათ შორის მისი მწვავე შეფასებები და სანქციების მოთხოვნა, რომელიც პირდაპირ ავტორიტარული რეჟიმზე იქნება დამიზნებული. ასევე ვხედავთ იმ მნიშვნელოვან მხარდაჭერას, რომელიც ქართველ ხალხს ქვეყნის დემოკრატიის და ქვეყნის ევროპული მომავლის გზაზე აქვს. პარტნიორებისგან ძალადობის დაგმობა და უკანონო დაკავებული პატიმრების გათავისუფლების მოთხოვნა, რომელიც აშშ-ს საელჩომ გააჟღერა, ეს მნიშვნელოვანი გზავნილია ავტორიტარული-ოლიგარქიული რეჟიმის წინააღმდეგ. ვაგრძელებთ მუშაობს, რომ სანქციების საგანი იყოს, ის მძიმე ფუნდამენტური უფლებების კუთხით დარღვევები, რომელსაც ოლიგარქიული რეჟიმი ახორციელებს“,- განაცხადა თეონა აქუბარდიამ.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა