მუხაშავრია პეტრიაშვილის დაჭრაზე: მუხლი არ უნდა გადაკვალიფიცირდეს

2016-03-01 13:09:51, 670 ნახვა

სამართალი

იურისტი ლია მუხაშავრია მიიჩნევს, რომ "თავისუფალი დემოკრატების" გენერალური მდივნის ალექსი პეტრიაშვილის დაჭრის ფაქტთან დაკავშირებით, გამოძიების მუხლი არ უნდა გადაკვალიფიცირდეს.
როგორც მუხაშავრიამ "ექსპრესნიუსს" განუცხადა, დაზიანებების მიხედვით, გამოძიება სწორედ განზრახ მძიმე დაზიანებების მუხლით უნდა მიმდინარეობდეს და არა- განზრახ მკვლელობის მცდელობის მუხლით:
"ალბათ განზრახ მკვლელობა არ იყო ეს იმიტომ, რომ დაზიანებბის მიხედვით თუ ვისმჯელებთ, იყო სხეული განზრახ მძიმე დაზიანება და არა მკვლელობის მცდელობა. ამიტომ, ვფიქრობა ასეთი კვალიფიკაცია უნდა იყოს და შემდეგ ვნახოთ", - ამბობს ლია მუხაშავრია.
შეგახსენებთ, 26 თებერვალს, თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს. მომხდარის შესახებ შეტყობინება გადაუდებელი დახმარების ოპერატიული მართვის ცენტრ „112“-ში ახლომდებარე საცხოვრებელ კორპუსში მცხოვრები მოქალაქისგან შევიდა. შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. შემთხვევა საბურთალოს პანთეონის ძმათა სასაფლაოს ტერიტორიაზე მოხდა.
ალექსი პეტრიაშვილის ჯანმრთელობის მდგომარეობა ამ დროისთვის დამაკმაყოფილებელია.