საკონსტიტუციო სასამართლო ბოლო რგოლი იყო ხელისუფლების უზურპაციის წრედის შეკვრაში და ასეც მოხდა,- ამის შესახებ „კოალიცია ცვლილებისთვის“ ერთ-ერთი ლიდერი ნიკა გვარამია სოციალურ ქსელ „ფეისბუქზე“ წერს.

როგორც გვარამაიამ განაცხადა, აღნიშნული გადაწყვეტილებით საკონსტიტუციო სასამართლო აცხადებს, რომ ქვეყნის მთავარი კონსტიტუციური პროცესის - არჩევნების თაობაზე გადაწყვეტილებას თბილისის სააპელაციო სასამართლო იღებს.

„საქართველოს საკონსტიტუციო სასამართლო ბოლო რგოლი იყო ხელისულფების უზურპაციის წრედის შეკვრაში და ასეც მოხდა. 

წარმოებაში არმიღების (როგორც აღმოჩნა, 1 კვირის წინანდელი) განჩინებით, სასამართლომ გვითხრა, რომ საქართველოში არჩევნების განხორციელების (ანუ ნორმების რეალიზაციის) კონსტიტუციასთან შესაბამისობის შემოწმების ინსტიტუტი უბრალოდ თეორიულადაც არ არსებობს და მისი კომპეტენცია მხოლოდ არჩევნების მომწესრიგებელი ნორმის შემოწმებაა, ისიც 15თვინი ხანდაზმულობის ფარგლებში. 

ამით საკონსტიტუციო სასამართლო გვეუბნება, რომ სახელმწიფოს მთავარი კონსტიტუციური პროცესის - არჩევნების თაობაზე საბოლოო გადაწყვეტილებას იღებს თბილისის სააპელაციო სასამართლო. 

მთავარი: შეუძლებელია, არჩევნების კონსტიტუციურობის დამდგენი ინსტიტუტი ქვეყანაში არ არსებობდეს. მას შემდეგ, რას საკონსტიტუციო სასამართლო ღიად ჩაერთო ქვეყანაში ხელისუფლების უზურპაციის პროცესში, ერთადერთი, ვისაც შეუძლია ეს გააკეთოს, საქართველოს პრეზიდენტია, როგორც სახელმწიფოს მეთაური (სამართლებრივად) და ხელისუფლების ერთადერთი ლეგიტიმური წყარო (ფაქტობრივად)“,- წერს ნიკა გვარამია.

შეგახსენებთ, დღეს, 3 დეკემბერს გამოქვეყნდა საკონსტიტუციო სასამართლოს განჩინება, რომლის მიხედვითაც, სასამართლომ არჩევნების არაკონსტიტუციურად ცნობის შესახებ პრეზიდენტისა და 30 დეპუტატის სარჩელები არსებითად განსახილველად არ მიიღო.

ავტორი: ექსპრესნიუსი,

სოციალური ქსელები

კობახიძე ზელენსკიზე: მე პირადად ზელენსკი ნეგატიურ კონტექსტში არასდროს მიხსენებია

ევროპარლამენტის საგარეო საქმეთა კომიტეტმა საქართველოს შესახებ ანგარიში მიიღო

ერდოღანი: ევროპას თურქეთი უფრო სჭირდება, ვიდრე თურქეთს ევროპა

კოსტა: ევროპისთვის მნიშვნელოვანია სომეხი ხალხის თავისუფლების დაცვა, რათა მათ საკუთარი ბედი თავად აირჩიონ