ქართულ მედიაში ვრცელდება ინფორმაცია იმის შესახებ, რომ დავით ზალკალიანმა, საქართველოს სრულუფლებიანმა ელჩმა ამერიკის შეერთებულ შტატებში თანამდებობა დატოვა. 30 ნოემბერს აღნიშნული ინფორმაცია "ამერიკის ხმას" საქმეში ჩახედულმა ორმა წყარომ დაუდასტურა, რომელთაც ვინაობის გამხელა არ ისურვეს.

ცნობა ამ ფაქტის შესახებ პირველად ტელეკომპანია "ფორმულამ" გაავრცელა. ინფორმაცია საქართველოს საგარეო უწყებას ოფიციალურად ჯერ არ დაუდასტურებია. მანამდე, თანამდებობა დატოვეს ნიდერლანდებში საქართველოს ელჩმა დავით სოლომონიამ და ბულგარეთში საქართველოს ელჩმა ოთარ ბერძენიშვილმა.

28 ნოემბერს საქართველოს საგარეო საქმეთა სამინისტროს თანამშრომლებმა, მათ შორის მოქმედმა დიპლომატებმა, მთავრობის მიერ ევროკავშირში გაწევრიანების შესახებ მოლაპარაკებების 2028 წლის ბოლომდე შეჩერების გადაწყვეტილება საჯარო, ღია წერილით გააკრიტიკეს.

დიპლომატიური უწყების თანამშრომლები აცხადებენ, რომ საქართველოს მთავრობის გადაწყვეტილება ეწინააღმდეგება საქართველოს კონსტიტუციის 78-ე მუხლს. მოქმედ დიპლომატთა ამ ნაბიჯს წინ უსწრებდა მმართველ პარტია "ქართულ ოცნებაში" 28 ნოემბერს მიღებული გადაწყვეტილება, ევროკავშირში გაწევრიანების შესახებ მოლაპარაკებების 2028 წლის ბოლომდე შეჩერებაზე და ამავე პერიოდში ევროკავშირის ფინანსურ დახმარებაზე უარის თქმა.

ავტორი: ექსპრესნიუსი,

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა