2024-11-22 13:05:01, 393 ნახვა

---

ორბანი - ჰააგის სასამართლომ ნეთანიაჰუს დაპატიმრების ორდერის გაცემით თავხედური და ცინიკური გადაწყვეტილება მიიღო

სისხლის სამართლის საერთაშორისო სასამართლოს გადაწყვეტილება, ისრაელის პრემიერ-მინისტრის, ბენიამინ ნეთანიაჰუს წინააღმდეგ დაპატიმრების ორდერის გაცემასთან დაკავშირებით, თავხედური და ცინიკურია,- ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელ X-ზე წერს.

ორბანის განცხადებით, ჰააგის სასამართლოს გადაწყვეტილება ძირს უთხრის საერთაშორისო სამართალს და შეიძლება, დაძაბულობის ესკალაცია მოახდინოს.

„სისხლის სამართლის საერთაშორისო სასამართლოს გადაწყვეტილება, ისრაელის პრემიერ-მინისტრის, ბენიამინ ნეთანიაჰუს წინააღმდეგ დაპატიმრების ორდერის გაცემასთან დაკავშირებით, თავხედური და ცინიკურია. ეს არის კანონის საფარქვეშ კონფლიქტში ჩარევა, რომელიც განპირობებულია პოლიტიკური მოტივებით. სხვა გზა არ გვაქვს, გარდა იმისა, რომ შევეწინააღმდეგოთ ამ გადაწყვეტილებას“,- წერს ორბანი.

შეგახსენებთ, გუშინ, 21 ნოემბერს სისხლის სამართლის საერთაშორისო სასამართლომ (ICC) ისრაელის პრემიერ-მინისტრ ბენიამინ ნეთანიაჰუს, ყოფილ თავდაცვის მინისტრ იოავ გალანტისა და „ჰამასის“ ლიდერის, მოჰამედ დეიფის დაპატიმრების ორდერები გასცა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი