2024-11-14 17:43:07, 440 ნახვა

---

ლუკაშენკო - ბელარუსი ქალი პრეზიდენტისთვის მზად არ არის - ღმერთმა ნუ ქნას, ბელარუსში ქალი აირჩიონ

ქვეყანა ქალი პრეზიდენტისთვის ჯერ მზად არ არის,- ამის შესახებ ბელარუსის პრეზიდენტმა, ალექსანდრ ლუკაშენკომ განაცხადა.

ლუკაშენკოს თქმით, "შესაძლოა, დროთა განმავლობაში ქვეყანა ამ სტილამდე მივიდეს, თუმცა ახლა სხვა ვითარებაა".

"ღმერთმა ნუ ქნას, ბელარუსში პრეზიდენტად ქალი აირჩიონ. აშშ-ის პრეზიდენტს ის უფლებამოსილებები არ აქვს, აქ კი ყველაფერს უნდა ჩაეძიო. ბელარუსში პრეზიდენტი მთავარსარდალია. და ეს ურთულესი სამუშაოა. არაა საჭირო ქალის ასე დატვირთვა, ეს არაა ცერემონიული თანამდებობა. შეიძლება, დროთა განმავლობაში ამ სტილს მივუახლოვდეთ, მაგრამ ჯერჯერობით ის სხვანაირია",- განაცხადა ლუკაშენკომ.

შეგახსენებთ, ბელარუსში საპრეზიდენტო არჩევნები 2025 წლის 26 იანვარს არის დაგეგმილი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი