2024-11-14 10:44:41, 360 ნახვა
მსოფლიო
სან-პაულუში, ბრაზილიის უზენაეს სასამართლოსთან აფეთქება მოხდა - განხორციელდა ევაკუაცია, არის მსხვერპლი
ბრაზილიის უზენაესი სასამართლოს სიახლოვეს, 2-ჯერ გაისმა აფეთქების ხმა, რის გამოც, სან-პაულუში მდებარე უზენაესი სასამართლოს შენობაში მყოფი ხალხის ევაკუაცია განხორციელდა. ამის შესახებ ინფორმაციას Reuters-ი ავრცელებს.
ადგილობრივი მედიის ცნობით, ინციდენტის ადგილზე ერთი ადამიანი დაღუპული იპოვეს.
პოლიციამ დაადასტურა, რომ ცხედარი შენობის გარეთ აღმოაჩინეს, მაგრამ დამატებითი დეტალები ჯერჯერობით უცნობია.
გუბერნატორის მოადგილის ინფორმაციით, აფეთქებები მას შემდეგ მოხდა, რაც მამაკაცმა სასამართლოში შესვლა სცადა და შეაჩერეს.
ადგილზე სამართალდამცველები მუშაობენ.
ავტორი: ექსპრესნიუსი,
epn.ge (@expressnews.ge)
