ალექსი პეტრიაშვილის ჯანმრთელობის მდგომარეობა ამ დროისთვის დამაკმაყოფილებელია.

„თავისუფალი დემოკრატების“ გენერალური მდივანი, რეანიმაციიდან ინტენსიური თერაპიის პალატაში გადაიყვანეს და ის თანაგუნდელებმა უკვე მოინახულეს.

როგორც რესპუბლიკური საავადმყოფოს ხელმძღვანელმა ავთანდილ იმედაძემ განაცხადა, პაციენტის სიცოცხლეს საფრთხე არ ემუქრება.

„პაციენტის მდგომარეობა არის აბსოლუტურად სტაბილური. მის სიცოცხლეს საფრთხე არ ემუქრება. ის იმყოფება ექიმების მეთვალყურეობის ქვეშ“, - განაცხადა ავთანდილ იმედაძემ.

„თავისუფალი დემოკრატების“ წევრი მაია ფანჯიკიძე მიიჩნევს, რომ გამოძიება ცხელ კვლაზე უნდა გაიხსნას და შსს-მ შედეგები სწრაფად უნდა დადოს.

შეგახსენებთ, რომ თავდასხმა „თავისუფალი დემოკრატების“ გენერალურ მდივანზე გუშინ დღისით მოხდა. საბურთალოს სასაფლაოზე პოლიტიკოსს უცნობი პირები დაესხნენ თავს, ფიზიკური შეურაცხყოფა მიაყენეს და ცეცხლსასროლი იარაღიდან გასროლით სამი ჭრილობა მიაყენეს.

შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს

ზელენსკიმ რუსეთსა და უკრაინას შორის მოლაპარაკებების აზერბაიჯანში გამართვა შესთავაზა

მაკრონი: ევროპელებმა უნდა აღიარონ, რომ აშშ, ჩინეთი და რუსეთი ახლა ჩვენს წინააღმდეგ არიან

ზელენსკი აზერბაიჯანში ალიევთან შესახვედრად ჩავიდა