მთელი პარტია ემსახურებით "ნაცებს", რომლებმაც ტერიტორიები რუსეთს ჩააბარეს, ხელი მოუწერეს ომის დაწყებაზე და საკუთარ სამხედროებს ომის დანაშაული დააბრალეს,- ასე მიმართავს "ქართული ოცნების" აღმასრულებელი მდივანი მამუკა მდინარაძე პარტია "გახარია საქართველოსთვის" წარმომადგენლებს.

მდინარაძის განცხადებით "ასევე კოორდინირებულად ავრცელებს ორივე პარტია, შალვა პაპუაშვილის მიერ ბრიფინგზე გამოყენებული საქართველოს რუკის შესახებ ყალბ ინფორმაციასაც".

"არ ვწერ ხოლმე კომენტარებს, მაგრამ იყოს ეს ერთი, საგამონაკლისოდ - ეს "ფეიკი" გახარიაც რა უშუალო ყოფილა. ახლა სერიოზულად: კი, არავითარი ანუ, თქვენ, მთელი პარტია ემსახურებით "ნაცებს", რომლებმაც ტერიტორიები რუსეთს ჩააბარეს, ხელი მოუწერეს ომის დაწყებაზე და საკუთარ სამხედროებს ომის დანაშაული დააბრალეს. რუკაზე "ფეიკსაც" თქვენ და "ნაცები" წამების და წუთების განსხვავებით, კოორდინირებულად ავრცელებთ",- წერს მამუკა მდინარაძე "ფეისბუქზე".

ცნობისთვის, დღეს, 4 ნოემბერს პარლამენტის თავმჯდომარე შალვა პაპუაშვილმა ბრიფინგი გამართა, რომლის დროსაც ერთ-ერთ „სლაიდზე“ გამოსახული საქართველოს რუკა ოკუპირებული ტერიტორიების - აფხაზეთისა და ცხინვალის რეგიონების გარეშე აღიქმებოდა.

მმართველი პარტიის წარმომადგენლების განმარტებით, რადგან „ქართულ ოცნებას“ ოკუპირებულ ტერიტორიებზე დელეგატები არ ჰყავდა, რეგიონები რუხი ფერით იყო აღნიშნული და საპრეზენტაციო ეკრანზე ღია ფერი კამერებში კარგად არ აღიქმებოდა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა