საპარტნიორო ფონდის აღმასრულებელი დირექტორი დავით საგანელიძე სამთავრობო ვიზიტის ფარგლებში სტამბულში იმყოფება

2016-02-25 18:31:44, 407 ნახვა

პოლიტიკა

საქართველოს დელეგაცია პრემიერ-მინისტრის ხელმძრვანელობით შეხვედრებს თურქეთის საფინანსო და ბიზნეს წრეების წარმომადგენლებთან მართავს, რომელსაც საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი ესწრება. სამთავრობო ვიზიტის ფარგებში სტამბულში იმყოფება საპარტნიორო ფონდის აღმასრულებელი დირექტორი დავით საგანელიძე. ოფიციალური ვიზიტის ფარგლებში დაგეგმილია შეხვედრა თურქეთის ეკონომიკის მინისტრთან მუსტაფა ელიტასთთან, სადაც განხილული იქნება ორმხრივი სავაჭრო–ეკონომიკური ურთიერთობების გაღრმავების საკითხები, მათ შორის, ქვეყნებს შორის არსებული თავისუფალი ვაჭრობის შეთანხმების უფრო ეფექტიანი ამოქმედების მიმართულებით. ამ კუთხით, ვიზიტის ფარგლებში დაგეგმილია შეხვედრა ექსპორტიორთა კავშირშის წარმომადგენლებთანაც.
ქართული დელეგაცია მონაწილეობას მიიღებს თურქეთის წამყვანი კომპანიების ხელმძღვანელ პირებთან შეხვედრაში, რომელიც თურქეთის საგარეო ეკონომიკური ურთიერთობების კოლეგიისა (DEIK) და საქართველოს ეკონომიკისა და მდგრადი განვითარების სამინისტროს ორგანიზებით იმართება.

ღონისძიების მხარდამჭერები არიან ასევე საქართველოს საელჩო თურქეთის რესპუბლიკაში და საქართველოს გენერალური საკონსულო სტამბოლში. საქართველოს დელეგაციის წევრები თურქეთის ბიზნეს წრეებთან საქართველოს საინვესტიციო გარემოსა და რეფორმების შესახებ პრეზენტაციას გამართავენ. სტამბულში ქართული დელეგაციის ორ დღიანი ვიზიტი 26 თებერვალს სრულდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან