ბიძინა ივანიშვილის როლი ქართულ პოლიტიკაში განსაკუთრებულია, ვინ სად ვიქნებით, არსებითი მნიშვნელობა არ აქვს, მთავარია, ყოველთვის საქართველოს ინტერესებს გავატარებთ, - ასე უპასუხა თბილისის მერმა მედიის მიერ დასმულ კითხვას, ბიძინა ივანიშვილის შესაძლო პრემიერობაზე.

როგორც კალაძემ აღნიშნა, საქართველოს ირაკლი კობახიძის სახით ღირსეული პრემიერ-მინისტრი ჰყავს.

"დღეს ქვეყანას ჰყავს ღირსეული პრემიერ-მინისტრი ჰყავს ირაკლი კობახიძის სახით. რაც შეეხება ბიძინა ივანიშვილს, ქართულ პოლიტიკაში მისი როლი განსაკუთრებულია. თანამდებობებს არსებითი მნიშვნელობა არ აქვს. მთავარია, სადაც არ უნდა ვიყოთ, ყოველთვის ჩვენს სამშობლოს ვემსახურებით. ზეწოლის მიუხედავად,  იმ ქვეყნის ინტერესებს გავატარებთ, რომელსაც საქართველო ჰქვია", - განაცხადა კახა კალაძემ.

მისივე განმარტებით, ბიძინა ივანიშვილს  საზოგადოების დიდი მხარდაჭერა აქვს, რადგან მისი წვლილი ქვეყანაში მშვიდობის შენარჩუნებაში, დიდია. 

"ბიძინა ივანიშვილია ადამიანი, ვის ირგვლივაც 2011 წელს სრულიად საქართველო გაერთიანდა, 2012 წლის 1-ელ ოქტომბერს კი საქართველომ გაიმარჯვა. დავამარცხეთ ბოროტება, სისხლიანი რეჟიმი, რაც მძვინვარებდა ქვეყანაში და ხალხს უდიდეს პრობლემებს უქმნიდა. შესაბამისად, მას აქვს დიდი მხარდაჭერა და პატივისცემა საზოგადოების მხრიდან. მას აქვს მნიშვნელოვანი როლი იმაში, რომ ქვეყნაში არის მშვიდობა. ეს პრაგმატული პოლიტიკა მომავალშიც გაგრძელდება. ყოველთვის გათვალისწინებული იქნება ქართველი ხალხის ინტერესი", - აღნიშნა კახა კალაძემ.

ავტორი: NS (სტატია დაფინანსებულია),

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს