ვითარება ბელარუსის რესპუბლიკის საზღვარზე უცვლელია,- ასე ეხმაურება უკრაინის სახელმწიფო საზღვრის დაცვის სამსახური სამხედროების განთავსებასთან დაკავშირებით ბელარუსის პრეზიდენტ ალექსანდრ ლუკაშენკოს განცხადებას.

როგორც საზღვრის დაცვის სამსახურის სპიკერმა, პოლკოვნიკმა ანდრეი დემჩენკომ "უკრაინსკაია პრავდას" უთხრა, საზღვართან ბელარუსის დანაყოფების პირადი შემადგენლობის ან ტექნიკის რაოდენობის ზრდა არ შეინიშნება.

"ბელარუსის რესპუბლიკასთან საზღვარზე არსებული სიტუაცია უცვლელია. როგორც ვხედავთ, ლუკაშენკოს რიტორიკა ასევე არ იცვლება, მუდმივად ამძაფრებს სიტუაციას ტერორისტი ქვეყნის სასარგებლოდ. ჩვენ ამჟამად ვერ ვხედავთ ჩვენს საზღვართან ბელარუსის დანაყოფების პირადი შემადგენლობის ან ტექნიკის რაოდენობის ზრდას",- აცხადებს დემჩენკო.

შეგახსენებთ, რომ ბელარუსის პრეზიდენტმა, ალექსანდრ ლუკაშენკომ რუსულ მედიასთან ინტერვიუში თქვა, რომ უკრაინამ ბელარუსის საზღვართან 120 ათასი სამხედრო განათავსა, რასაც მისივე თქმით, მინსკმა საღვრის გასწვრივ ბელარუსის არმიის თითქმის მესამედის განთავსებით უპასუხა.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო