ეუთოს შტაბ-ბინაში სამხედრო დოქტრინების მაღალი დონის სემინარი გაიმართა. სემინარში საქართველოს თავდაცვის სამინისტროს დელეგაცია გენერალური შტაბის უფროსის მოადგილის, პოლკოვნიკ ნიკოლოზ აგლაძის ხელმძღვანელობით მონაწილეობდა.

ტრენინგზე ძირითადი ყურადღება ეუთოს წევრ ქვეყნებში სამხედრო დოქტრინების კუთხით არსებულ სიტუაციასა და დოქტრინებში შეტანილ ცვლილებებზე გამახვილდა. საუბარი შეეხო ეუთოს რეგიონში არსებულ უსაფრთხოების გამოწვევებსა და მათი გადაწყვეტის გზებს. მონაწილეებმა ევროპაში მიგრაციის კრიზისი, ტერორიზმი, ჰიბრიდული ომი და კიბერსაფრთხეები, მათი გამოწვევის მიზეზები და შესაძლო გადაჭრის გზებიც განიხილეს. დისკუსიებში არაერთხელ გაესვა ხაზი რუსეთის მიერ საერთაშორისო წესრიგის უგულებელყოფას, რომელიც უკრაინასა და საქართველოში სამხედრო აგრესიითა და ტერიტორიების მიტაცებით გამოიხატება.

სემინარის ფარგლებში ქართულმა მხარემ შეხვედრა გამართა აშშ-ის სახელმწიფო დეპარტამენტის საერთაშორისო უსაფრთხოებისა და შეიარაღების კონტროლის სახელწიფო მდივნის მოადგილესთან, როუზ გოტემიულერთან. შეხვედრაზე საუბარი შეეხო რუსეთის პოლიტიკას და საქართველოს ოკუპირებული ტერიტორიების მიმართ წარმოებულ მცოცავ აგრესიას. როუზ გოტემიულერმა კიდევ ერთხელ გამოხატა საქართველოს ტერიტორიული მთლიანობის ურყევი მხარდაჭერა და განაცხადა, რომ „ევროპული მხარდაჭერის ინიციატივის“ (ERI) ფარგლებში, აშშ საქართველოსთვის, როგორც სტრატეგიულ პარტნიორისთვის, მნიშვნელოვანი დახმარებას გაწევას აპირებს. შეხვედრის დასასრულს პოლკოვნიკმა ნიკოლოზ აგლაძემ სახელმწიფო მდივნის მოადგილეს აშშ-ის მიერ საქართველოსთვის გაწეული ურყევი მხარდაჭერისთვის მადლობა გადაუხადა.

ეუთოს შტაბ-ბინაში სემინარი ყოველ 5 წელიწადში ერთხელ ტარდება. შეხვედრა ჰოლანდიის თავმჯდომარეობით გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა