პარიზის ოლიმპიური თამაშების მე-12 საშეჯიბრო დღეს ასპარეზში ბერძნულ-რომაული სტილით მოჭიდავეთა ნაკრების წევრი ლაშა გობაძე (87 კგ) ჩაება.

მსოფლიო ჩემპიონი და ამავე რანგის ორი ბრინჯაოს მედლის მფლობელი, ასევე ევროპის ჩემპიონატების თითო ვერცხლის და ბრინჯაოს მედალოსანი ქართველი ფალავანი ოლიმპიურ ხალიჩაზე გამოსვლას მერვედფინალიდან შეუდგა.

მან პირველ შეხვედრაში ალჟირელ ბაშირ სიდ აზარა 2-1 დაამარცხა და მეოთხედფინალში გავიდა.

გობაძე მეოთხედფინალში ბულგარელ მეტოქეს, სემენ ნოვიკოვს დაუპირისპირდა და ანგარიშით 3:8 დამარცხდა.

ქართველი სპორტსმენი ბრინჯაოს მედლისთვის ბრძოლის შანსს იმ შემთხვევაში შეინარჩუნებს, თუ ნოვიკოვი ფინალში გასვლას მოახერხებს.

ბერძნულ-რომაულ ჭიდაობაში ნახევარფინალური დაპირისპირებები 20:00 საათიდან დაიწყება.

ავტორი: ექსპრესნიუსი,

სოციალური ქსელები

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა

ექსკურსიის დროს თბილისი-რუსთავის მაგისტრალზე ავარიას 1 პირი ემსხვერპლა

რომის პაპი ბარსელონაში, საგრადა ფამილიას ცენტრალურ კოშკს აკურთხებს - მშენებლობის მთავარი ფაზა დასრულდა

მაღაზიათა ქსელებს 30 000 ლარამდე ფინანსური ზარალი მიაყენეს - დაკავებულია 6 არასრულწლოვანი